ଆରବସାଗରରେ ONGC ହେଲିକପ୍ଟର କ୍ରାସରେ ଓଡ଼ିଆ ପୁଅର ମୃତ୍ୟୁ , ଅଧା ରହିଗଲା ସ୍ବପ୍ନ

 ଢେଙ୍କାନାଳ :  ଆରବ ସାଗରରେ ONGC ହେଲିକପ୍ଟର ଦୁର୍ଘଟଣାରେ ଓଡ଼ିଆ ଭୂତତ୍ୱ ବିଜ୍ଞନୀ ସତ୍ୟମ୍ବଦ ପାତ୍ରଙ୍କ ମୃତ୍ୟୁ ହୋଇଛି ।  ତାଙ୍କ ପୈତୃକ ଘର ଢେଙ୍କାନାଳ ଜିଲ୍ଲା ଭୁବନରେ । ମାଲକାନଗିରି ସଦର ମହକୁମାସ୍ଥିତ ଏଆରସିଏସ(ARCS) କାର୍ଯ୍ୟାଳୟରେ ସତ୍ୟମ୍ବଦଙ୍କ ବାପା ସୁରେଶ ପାତ୍ର ଷ୍ଟେନୋ ଭାବେ କାମ କରନ୍ତି । ମାଆ ମାଲକାନଗିରିରେ ଶିକ୍ଷୟତ୍ରୀ ଅଛନ୍ତି । ସତ୍ୟମ୍ବଦ ନିଜର ହାଇସ୍କୁଲ ପାଠ ମାଲକାନଗିରିରେ ସମାପ୍ତ କରିବା ପରେ ତିର୍ତୋଲ କଲେଜରେ ଜିୟୋଲୋଜିରେ ପାଠ ସାରି ରାଉରକେଲା NIITରେ ଉଚ୍ଚଶିକ୍ଷା ସମାପ୍ତ କରିଥିଲେ।

ଏହାସହ ୟୁପିଏସି ପାଠପଢି ଆଗକୁ IAS ହେବାକୁ ପ୍ରସ୍ତୁତି ଚଳାଇଥିଲେ । ୩ ବର୍ଷ ତଳେ ଓଏନଜିସିରେ ବୈଜ୍ଞାନିକ ଭାବେ ନିଯୁକ୍ତି ପାଇ କାର୍ଯ୍ୟ କରୁଥିଲେ ସତ୍ୟମ୍ବଦ। ଡି ହେଲିପ୍ଟର ୯ ଜଣଙ୍କୁ ଧରି ଉଡ଼ିଚାଲିଥିଲା । ମୁମ୍ବାଇ ଠାରୁ ୬୦ ନଓଟିକାଲ ମାଇଲ ଦୁରରେ ଥିବା ସାଗର କିରଣ ରିଗ ଥିଲା ଗନ୍ତବ୍ୟ ସ୍ଥଳ । ସେଠାରେ ପହଂଚିବାକୁ ଆଉ ପ୍ରାୟ ୨ ମିନିଟ ସମୟ ଲାଗିଥାନ୍ତା, ହେଲେ ହେଲିକପ୍ଟରରେ ଦେଖାଦେଲା ଯାନ୍ତ୍ରିକ ତ୍ରୁଟି ।

ଏପରି ସ୍ଥିତିରେ ପାଇଲଟ ଜଣକ ସମୁଦ୍ର ପାଣିରେ ହିଁ ହେଲିକପ୍ଟରର ଜରୁରୀ ଅବତରଣ କରାଇବାକୁ ଚେଷ୍ଟା କଲେ । ହେଲେ ଏହି ଅବତରଣ ସମୟରେ ହେଲିକପ୍ଟର ଦୁର୍ଘଟଣା ଗ୍ରସ୍ଥ ହେଲା । ଏଥିରେ ଓଡ଼ିଆ ଭୂତତ୍ୱବିଜ୍ଞାନୀ ସତ୍ୟମବଦା ପାତ୍ରଙ୍କ ସମେତ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୫ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଛି ।