ମୁମ୍ବାଇ: ବଲିଉଡ ଅଭିନେତ୍ରୀ ଶବାନା ଆଜମୀଙ୍କ ଅଭିନିତ ଫିଲ୍ମ ରକି ଔର ରାନୀ କୀ ପ୍ରେମ କାହାଣୀ ନିକଟରେ ରିଲିଜ୍ ହୋଇଯାଇଛି । ଏହି ଫିଲ୍ମକୁ ନେଇ ସେ ଖୁବ୍ ଚର୍ଚ୍ଚାରେ ଥିବା ବେଳେ ତାଙ୍କ ନାଁ ନେଇ ଅନ୍ଲାଇନ୍ ଠକେଇ ହୋଇଥିବା ନେଇ ଅଭିଯୋଗ ହୋଇଛି । ଏନେଇ ଶବାନା ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଛି ।
ଶବାନା ନିଜେ ସୋସିଆଲ ମିଡ଼ିଆରେ ତାଙ୍କ ନାମରେ ଅନଲାଇନ ଠକେଇ କରାଯାଉଥିବା ବିଷୟରେ ସେୟାର କରିଛନ୍ତିି । ତାଙ୍କ ନାମରେ ଏପରି କରାଯାଉଥିବାରୁ ସମସ୍ତ କଳାକାର ଏଥିପ୍ରତି ସଚେତନ ହେବାକୁ ପରାମର୍ଶ ଦେଇଛନ୍ତି । ଏନେଇ ସେ ପୋଲିସ ନିକଟରେ ଅଭିଯୋଗ ମଧ୍ୟ କରିଛନ୍ତି ।
ଫିଲ୍ମ ରକି ଔର ରାନୀ କୀ ପ୍ରେମ କାହାଣୀରେ ଶବାନା ନଜର ଆସିଥିଲେ । ଏହି ଫିଲ୍ମରେ ତାଙ୍କ ଅଭିନୟକୁ ଲୋକେ ଖୁବ୍ ପସନ୍ଦ କରିଛନ୍ତି । ଏଥିରେ ସେ ଧର୍ମେନ୍ଦ୍ରଙ୍କ ଗର୍ଲଫ୍ରେଣ୍ଡ ଓ ଆଲିଆ ଭଟ୍ଟଙ୍କ ଜେଜେମା ଭୂମିକାରେ ଅଭିନୟ କରିଥିଲେ । ଧର୍ମେନ୍ଦ୍ର ଏବଂ ଶବାନାଙ୍କ ମଧ୍ୟରେ ଥିବା ଲିପଲକ ଦୃଶ୍ୟକୁ ନେଇ ସେ ଚର୍ଚ୍ଚାକୁ ଆସିଛନ୍ତି ।
Comments are closed.