ନୋଇଡ଼ା: ପାକିସ୍ତାନରୁ ନିଜ ପ୍ରେମିକ ସଚିନ ମିନାଙ୍କ ପାଖକୁ ଚାଲି ଆସିଥିବା ପ୍ରେମିକା ସୀମା ହାଇଦର କିଛି ଦିନ ହେଲା ଖୁବ୍ ଚର୍ଚ୍ଚାରେ ଅଛନ୍ତି । ସଚିନ ଓ ସୀମାଙ୍କ ପ୍ରେମ କାହାଣୀ ଚାରିଆଡ଼େ ଚର୍ଚ୍ଚା ଜୋର ଧରିଛି । ସେମାନଙ୍କ ପ୍ରେମ କାହାଣୀକୁ ନେଇ ଏକ ଫିଲ୍ମ ନିର୍ମାଣ ହେବାକୁ ଯାଉଥିବା ବେଳେ ଏବେ ସେମାନଙ୍କୁ ନେଇ ଏକ ନୂଆ ଗୀତ ବାହାରିଛିି । ଏହି ଗୀତକୁ ଲୋକେ ଖୁବ୍ ପସନ୍ଦ କରିଥିବା ଜଣାଯାଇଛି ।
ଏହି ଗୀତଟିକୁ ପ୍ରସ୍ତୁତ କରିଛନ୍ତି ଦିଲ୍ଳୀର ବାସିନ୍ଦା ଗୁଡ୍ଡୁ ଗୋଲ୍ଡ ଯାଦବ । ଏହି ଗୀତର ଶୀର୍ଷକ ରହିଛି ‘ସୀମା ହାଇଦର ଚାଳିଷା’ । ଗୀତର ଆରମ୍ଭରୁ ଶୁଣିବାକୁ ମିଳୁଛି, ସୀମା ନେ କରଦିଆ ସରହଦ୍ ପ୍ୟାର ଇସେ କେହେତେ ହେଁ ସଚ୍ଚା ପ୍ୟାର, ଚାରୋଁ ତରଫ ମଚା ହାହାକାର, ଇସେ କେହେତେ ହେଁ ସଚ୍ଚା ପ୍ୟାର । ସୀମା ଓ ସଚିନଙ୍କ ପ୍ରେମ କାହାଣୀକୁ ନେଇ ଏକ ଫିଲ୍ମ ମଧ୍ୟ ନିର୍ମାଣ ହେବାକୁ ଯାଉଛି । ଯାହାର ନାମ ହେଉଛି ‘କରାଚି ଟୁ ନୋଇଡ଼ା’ ।
ପାକିସ୍ତାନରୁ ଭାରତ ଆସିଥିବା ସୀମା ହାଇଦରଙ୍କୁ ନେଇ ପ୍ରତିଦିନ ନୂଆ ନୂଆ ତଥ୍ୟ ମଧ୍ୟ ସାମ୍ନାକୁ ଆସୁଛି । ସେ ଅନଲାଇନ୍ ଗେମ୍ ପବ୍ଜୀ ଖେଳିବା ବେଳେ ଭାରତର ସଚିନ୍ ମୀନାଙ୍କ ସହ ପରିଚିତ ହୋଇଥିଲେ । ପରେ ତାଙ୍କୁ ଭଲ ପାଇ ବସିଥିଲେ । ସୀମା ତାଙ୍କ ପ୍ରେମ ପାଇଁ ନିଜ ସ୍ୱାମୀଙ୍କୁ ଛାଡ଼ି ନେପାଳ ଦେଇ ଗ୍ରେଟର ନୋଏଡାକୁ ଚାଲି ଆସିଥିଲେ । ତାଙ୍କର ଚାରି ପିଲା ମଧ୍ୟ ସେମାନଙ୍କ ସହିତ ଆସିଥିଲେ । ସମସ୍ତେ ସୀମାଙ୍କର ପ୍ରେମ କାହାଣୀ ବିଷୟରେ ଜାଣିବା ମାତ୍ରେ ସେଠାରେ ଉତ୍ତେଜନା ଦେଖାଦେଇଥିଲା । ପରେ ସୀମା ଏବଂ ସଚିନ୍ ଚର୍ଚ୍ଚାକୁ ଆସିଥିଲେ । ଏବେ ତାଙ୍କ ପ୍ରେମ କାହାଣୀକୁ ନେଇ ଏହି ଫିଲ୍ମ ନିର୍ମାଣ ହେବାକୁ କରାଯାଇଛି, ଯାହାର ନାଁ ରହିଛି ‘କରାଚିଟୁ ନୋଏଡା’ । ପାକିସ୍ତାନରୁ ଭାରତ ଆସିବା ପରଠାରୁ ସୀମା ସମସ୍ତ ଭାରତୀୟ ଉତ୍ସବରେ ବେଶ୍ ସକ୍ରିୟ ନଜର ଆସୁଛନ୍ତି ।
Comments are closed.