ଭୁବନେଶ୍ୱର: ରାଜ୍ୟ ସରକାରଙ୍କ ଦ୍ୱାରା ଆରମ୍ଭ ହୋଇଥିବା ନବୀନ ଓଡ଼ିଶା ମ୍ୟାଜିକ୍ କାର୍ଡ ଯୋଜନାରେ ଛାତ୍ରଛାତ୍ରୀଙ୍କ ମତାମତ ଲୋଡ଼ିଛନ୍ତି ୫ଟି ଓ ନବୀନ ଓଡ଼ିଶାର ଅଧ୍ୟକ୍ଷ ଭିକେ ପାଣ୍ଡିଆନ।
ଏକ ଇନଷ୍ଟାଗ୍ରାମ ପୋଷ୍ଟ ମାଧ୍ୟମରେ ପାଣ୍ଡିଆନ ଛାତ୍ରଛାତ୍ରୀଙ୍କୁ ଏହି ଯୋଜନା ପାଇଁ ସେମାନଙ୍କର ଧାରଣା ଏବଂ ପରାମର୍ଶ ବାଣ୍ଟିବାକୁ କହିଛନ୍ତି। ସେ ଗୁରୁତ୍ୱାରୋପ କରିଛନ୍ତି ଯେ ଛାତ୍ରଛାତ୍ରୀଙ୍କ ମତାମତ କିପରି ମ୍ୟାଜିକ୍ କାର୍ଡଗୁଡିକ ସେମାନଙ୍କର ସାମଗ୍ରିକ ବିକାଶରେ ଯୋଗଦାନ କରିପାରିବ ସେ ବାବଦରେ ମତାମତ ରଖିବା ଆବଶ୍ୟକ।
ପାଣ୍ଡିଆନ ଯୁବକମାନଙ୍କୁ ସଶକ୍ତ କରିବା ଉଦ୍ଦେଶ୍ୟରେ ଏକ ପରିବର୍ତନମୂଳକ ପଦକ୍ଷେପ ଭାବେ ନବୀନ ଓଡ଼ିଶା ମ୍ୟାଜିକ୍ କାର୍ଡକୁ ପ୍ରଶଂସା କରିଛନ୍ତି। ଏହି ଡିଜିଟାଲ କାର୍ଡ କଲେଜ ଛାତ୍ରଛାତ୍ରୀଙ୍କୁ ଇଣ୍ଟରନେଟ୍, ଲାଇବ୍ରେରୀ, ଦକ୍ଷତା ବିକାଶ ପ୍ଲାଟଫର୍ମ, ପରିବହନ, ଭବିଷ୍ୟତର ସୁଯୋଗ, କ୍ୟାରିୟର କାଉନସେଲିଂ ଏବଂ ଫୋନ୍ ରିଚାର୍ଜ ସେବା ସମେତ ଅନେକ ସମ୍ବଳ ଉପଲବ୍ଧ କରାଇବ ବୋଲି ସେ ଆଲୋକପାତ କରିଛନ୍ତି।
ବିଦ୍ୟାର୍ଥୀ ଯେଉଁସବୁ ପରାମର୍ଶ ଦେବେ ତାହା ବିଜେଡି ୨୦୨୪ର ଇସ୍ତାହାରରେ କାର୍ଯ୍ୟକାରୀ କରିବାକୁ ପ୍ରତିଶ୍ରୁତିବଦ୍ଧ ବୋଲି ପାଣ୍ଡିଆନ୍ ଏହି ଅବସରରେ କହିଛନ୍ତି।
Comments are closed.