ମୁମ୍ବାଇ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଓ ସାଂସଦ ରାଘବ ଚଢ଼ା ଏବେ ପତି-ପତ୍ନୀ ହୋଇସାରିଛନ୍ତି । ଗତ ୨୪ ତାରିଖରେ ରାଜସ୍ଥାନର ଉଦୟପୁରରେ ଥିବା ‘ଦି ଲୀଲା ପ୍ୟାଲେସ’ରେ ଉଭୟଙ୍କ ବିବାହ ଧୂମ୍ଧାମ୍ରେ ଆୟୋଜିତ ହୋଇଥିଲା । ବିବାହ ପରେ ରାଘବ ଓ ପରିଣୀତିଙ୍କ ଗୋଟିଏ ପରେ ଗୋଟିଏ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଯାହାକୁ ଲୋକେ ଖୁବ୍ ପସନ୍ଦ କରୁଛନ୍ତି । ଏବେ ସେମିତି ଏକ ଫଟୋ ଭାଇରାଲ ହେଉଛି, ଯେଉଁଥିରେ ରାଘବ ଓ ପରିଣୀତିଙ୍କ ପରିବାର ମଧ୍ୟରେ ବିବାହ ପୂର୍ବରୁ କ୍ରିକେଟ୍ ମ୍ୟାଚ ଅନୁଷ୍ଠିତ ହୋଇଛି ।
ଭାଇରାଲ୍ ଫଟୋ ଓ ଭିଡିଓରେ ‘ଦ ଚୋପ୍ରା ବନାମ ଚଢ଼ା’ ନାମରେ ମ୍ୟାଚ୍ ହୋଇଥିବା ଦେଖିବାକୁ ମିଳିଛି । ଏବେ ଉଭୟ ରାଘବ ଓ ପରିଣୀତି ନିଜ ସୋସିଆଲ୍ ମିଡିଆ ଆକାଉଣ୍ଟରେ ଏହି ଫଟୋଗୁଡ଼ିକୁ ସେୟାର କରିଛନ୍ତି । ତେବେ ପରିଣୀତି ଏହି ଫଟୋକୁ ସେୟାର କରି କ୍ୟାପସନରେ ଲେଖିଛନ୍ତି, ବିବାହ ପୂର୍ବରୁ ହୋଇଥିବା ମ୍ୟାଚ୍ରେ ‘ଦୁଇ ପକ୍ଷ ବିଜୟୀ ହୋଇଛନ୍ତି ଓ ଦୁଇ ପରିବାରଙ୍କ ମନର ମିଳନ ହୋଇଛି । ତାଙ୍କର ଏହି ଲେଖା ପ୍ରଶଂସକଙ୍କ ମନକୁ ଛୁଇଁଯାଇଛି ।
Comments are closed.