ମୁମ୍ବାଇ: ମହାରାଷ୍ଟ୍ର ରାଜନୀତିର ଚାଣକ୍ୟ ଭାବେ ବିବେଚନା କରାଯାଉଥିବା ଶରଦ ପାୱାରଙ୍କୁ ପୁନର୍ବାର ନ୍ୟାଶନାଲ କଂଗ୍ରେସ ପାର୍ଟି(ଏନସିପି)ର ସଭାପତି ଭାବେ ନିର୍ବାଚିତ କରାଯାଇଛି । ୮୧ ବର୍ଷୀୟ ପାୱାର ପୁନର୍ବାର ଏନସିପିର କ୍ଷମତା କେନ୍ଦ୍ର ସାଜିଛନ୍ତି । ସେ ୪ବର୍ଷ ପାଇଁ ଏହି ଦାୟିତ୍ୱରେ ରହିବେ । ଦିଲ୍ଲୀରେ ଆୟୋଜିତ ଜାତୀୟ କାର୍ଯ୍ୟକାରିଣୀ ବୈଠକରେ ନିର୍ବାଚନ ପରେ ଏହି ଘୋଷଣା କରାଯାଇଛି । ପାୱାର ସର୍ବସମ୍ମତି କ୍ରମେ ଏଥିରେ ଏକତରଫା ଭାବେ ବିଜୟ ହାସଲ କରିଥିଲେ । ୨୦୧୯ ମହାରାଷ୍ଟ୍ର ନିର୍ବାଚନରେ ବିଜେପି ଭଲ ପ୍ରଦର୍ଶନ କରିଥିଲେ ମଧ୍ୟ ଆଶ୍ଚର୍ଯ୍ୟଜନକ ଭାବେ କଂଗ୍ରେସ ଏବଂ ଶିବସେନା ସହ ମିଶି ଏନସିପି ସରକାର ଗଠନ କରିଥିଲେ ।
ମହାରାଷ୍ଟ୍ର ସରକାର ଭାଙ୍ଗିବା ପରେ ପାୱାର ଏବେଠାରୁ ତାଙ୍କ କର୍ମୀମାନଙ୍କୁ ନିର୍ବାଚନ ପାଇଁ ପ୍ରସ୍ତୁତ ରହିବାକୁ ଆଗୁଆ କହିଛନ୍ତି । ଏକନାଥ ସିନ୍ଦେଙ୍କ ନେତୃତ୍ୱରେ ଶିବସେନା ବିଦ୍ରୋହୀଙ୍କ ସହାୟତାରେ ବିଜେପି ଏବେ ମହାରାଷ୍ଟ୍ରରେ ସରକାର ଗଠନ କରିଛି ।
Comments are closed.