ବଲାଙ୍ଗିର : ସାଧାରଣ ବଣ୍ଟନ ବ୍ୟବସ୍ଥାରେ ବ୍ୟାପକ ଦୁର୍ନୀତି ବଲାଙ୍ଗିର ପାଇଁ ନୂଆ ନୁହେଁ । କେତେବେଳେ ବାଟ ମାରଣା ତ ଆଉ କେତେବେଳେ ହରିଲୁଟ ହେଉଛି ପିଡ଼ିଏସ ଚାଉଳ । ଯାହାର ଆଉ ଏକ ଦୃଶ୍ୟ ଦେଖିବାକୁ ମିଳିଛି ବଲାଙ୍ଗିର ଜିଲ୍ଲା ସଇଁତଳାରେ । ମିନି ଟ୍ରକରେ ଚାଉଳ ଚୋରା ଚାଲାଣ ହେଉଥିବା ବେଳେ ଏହାକୁ ଜବତ କରିଛି ସଇଁତଳା ପୋଲିସ ।
ବାହାରେ ତେଲ ପେରୁଆ ବସ୍ତା ରହିଥିବା ବେଳେ ଗାଡି ଭିତରେ ବସ୍ତା ବସ୍ତା ଚାଉଳ ଭର୍ତ୍ତି ହୋଇଥିବା ଦେଖିବାକୁ ମିଳିଛି । ଚାଉଳ ବସ୍ତା ଉପରେ ଯୋଗାଣ ବିଭାଗର ବସ୍ତା ରହିଥିବା ବେଳେ ବସ୍ତା ଗୁଡିକ ହାତ ସିଲେଇ ହୋଇଥିବାରୁ ଚାଉଳ ହେରଫେର ହେଉଥିବା ଅଭିଯୋଗ ହୋଇଛି । ସଇଁତଳା ପୋଲିସ ଯୋଗାଣ ବିଭାଗକୁ ଖବର ଦେବା ପରେ ଆରମ୍ଭ ହୋଇଛି ତନାଘନା । ହେଲେ ଏଯାଏଁ ଏହି ଚାଉଳ କାହାର, ତାହା ସ୍ପଷ୍ଟ ହୋଇନାହିଁ । ପାଖାପାଖି ୩୩ କ୍ବିଣ୍ଟାଲ ଚାଉଳ ଜବତ କରିଛି ପୋଲିସ ।
Comments are closed.