ସାଧାରଣତଃ ପୋଷା କୁକୁର, ବିଲେଇକୁ କୋଳରେ ଧରି ଅନେକ ସମୟରେ ଲୋକେ ବିମାନ ଯାତ୍ରା କରିବାର ନଜିର ଅଛି । ଏହା ମଧ୍ୟ ଏକ ସାଧାରଣ କଥା ବୋଲି କୁହାଯାଇପାରେ । କିନ୍ତୁ ବିମାନରେ ପାଳିତ ମୟୁରକୁ କୋଳରେ ଧରି ଯାତ୍ରା କରିବା ହୁଏତ ଆମ ଭିତରୁ ଅନେକ ଦେଖି ନ ଥିବେ । ଏବେ ସୋସିଆଲ ମିଡ଼ିଆରେ ଏମିତି ଏକ ଭିଡ଼ିଓ ଘୂରି ବୁଲୁଛି, ଯାହାକୁ ନେଇ ଚର୍ଚ୍ଚା ଢେର ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଜଣେ ମହିଳା ଏକ ବଡ଼ ମୟୂରକୁ କାଖେଇ ବିମାନରେ ଚଢିଛନ୍ତି । ପରେ ସେ ନିଜ ସିଟ୍ରେ ବସିବା ସହ ମୟୂରକୁ କୋଳରେ ବସାଉଛନ୍ତି । ମୟୂରଟି ଶାନ୍ତ ଭାବେ ମହିଳାଙ୍କ କୋଳରେ ବସି ନିଜ ବେକକୁ ଉପରକୁ ଟେକି ବୁଲି ବୁଲି ଚାରିଆଡ଼େ ଚାହୁଁଛି । ମହିଳାଙ୍କ ଏପରି କାର୍ଯ୍ୟକଳାପ ଦେଖି ଆପଣ ନିଶ୍ଚିତ ଭାବରେ ଟିକେ ଅଜବ ଅନୁଭବ କରୁଥିବେ, କିନ୍ତୁ ଏହା ତାଙ୍କ ପାଇଁ ଥିଲା ଏକ ସାଧାରଣ କଥା । ଭିଡିଓ କେଉଁ ଅଞ୍ଚଳର ତାହା ଜଣା ପଡ଼ିନାହିଁ ।
ଏହି ଭିଡ଼ିଓଟି ୱାଇଲ୍ଡ କଣ୍ଟେଣ୍ଟ ନାମକ ଏକ ଟୁଇଟର ଆକାଉଣ୍ଟରେ ସେୟାର କରାଯାଇଛି । ଏହି ଭିଡ଼ିଓ ଦେଖିବା ପରେ ଅନେକ ଲୋକ ଭିନ୍ନ ଭି୍ନ୍ନ ମନ୍ତବ୍ୟ ଦେଇଛନ୍ତି । କିଛି ଲୋକ ମୟୂରର ସୌନ୍ଦର୍ଯ୍ୟକୁ ପ୍ରଶଂସା କରିଥିବା ବେଳେ କିଛି ଲୋକ ଏହାକୁ ନିୟମ ବିରୋଧ ବୋଲି କହିଛନ୍ତି ।
Comments are closed.