ଭୁବନେଶ୍ଵର: ବିହାରର ମାରହୋରା ପ୍ଲାଣ୍ଟ ଭାରତୀୟ ରେଳବାଇ ପାଇଁ ଲୋକୋମୋଟିଭ୍ ଯୋଗାଣକାରୀ ହୋଇପାରିଛି । ୱାବେଟେକ୍ ଲୋକୋମୋଟିଭ୍ ପ୍ରାଇଭେଟ ଲିମିଟେଡ୍ ହେଉଛି ଭାରତୀୟ ରେଳବାଇ ଏବଂ ୱାବେଟେକ୍ ମଧ୍ୟରେ ମିଳିତ ଉଦ୍ୟମ । ୨୦୧୮ରେ ପ୍ରତିଷ୍ଠିତ ହୋଇଥିବା ମାରୋହୋରା ସୁବିଧା ଆନ୍ତର୍ଜାତୀୟ ସ୍ତରରେ ଭାରତର ଉତ୍ପାଦନ ଶକ୍ତି ପ୍ରଦର୍ଶନ କରି ବିଶ୍ୱ ଲୋକୋମୋଟିଭ୍ ଇଣ୍ଡଷ୍ଟ୍ରିରେ ଏକ ପ୍ରମୁଖ ରପ୍ତାନକାରୀ ହେବାକୁ ପ୍ରସ୍ତୁତ ହୋଇଛି ।
ଭାରତୀୟ ରେଳବାଇ ପାଇଁ ଅତ୍ୟାଧୁନିକ ଜ୍ଞାନକୌଶଳ ସହିତ ୧୦୦୦ ଲୋକୋମୋଟିଭ୍ ଉତ୍ପାଦନ ପାଇଁ ମାରହୋରା ପ୍ଲାଣ୍ଟ ପ୍ରତିଷ୍ଠା କରାଯାଇଥିଲା । ୭୦ ଏକର ପରିମିତ ମାରହୋରା ପ୍ଲାଣ୍ଟରେ ପ୍ରାୟ ୬୦୦ ଲୋକ ନିଯୁକ୍ତି ପାଇଛନ୍ତି ଏବଂ ଭାରତୀୟ ରେଳବାଇ ପାଇଁ ବାର୍ଷିକ ୧୦୦ଟି ଲୋକୋମୋଟିଭ୍ ଉତ୍ପାଦନ କରୁଛନ୍ତି । ଏହି ସୁବିଧା ଏହି ଅଞ୍ଚଳରେ ଶିଳ୍ପ କାର୍ଯ୍ୟକଳାପକୁ ମଧ୍ୟ ଉତ୍ସାହିତ କରିଛି । ଆଜି ପର୍ଯ୍ୟନ୍ତ, ୬୫୦ରୁ ଅଧିକ ଲୋକୋମୋଟିଭ୍ ପ୍ରସ୍ତୁତ ହୋଇ ଭାରତୀୟ ରେଳ ଲୋକୋମୋଟିଭ୍ ଉତ୍ପାଦନରେ ଯୋଗ କରାଯାଇଛି ।