କଲମ୍ବୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କଲମ୍ବୋଠାରେ ରବିବାର ଦିନ ଶ୍ରୀଲଙ୍କା ରାଷ୍ଟ୍ରପତି ମୈତ୍ରୀପାଲ ସିରିସେନାଙ୍କୁ ସାକ୍ଷାତ କରି ଗୁରୁତ୍ୱପୂର୍ଣ୍ଣ ଆଲୋଚନା କରିଛନ୍ତି । ଏହି ୧୦ ଦିନ ମଧ୍ୟରେ ମୋଦୀ ଓ ସିରିସେନାଙ୍କ ୨ୟ ସାକ୍ଷାତ । ଏହି ସାକ୍ଷାତ ସମୟରେ ଉଭୟ ରାଷ୍ଟ୍ର ଆତଙ୍କବାଦ ବିରୋଧରେ ମିଳିତ ଭାବେ ଲଢିବାକୁ ଆଲୋଚନା ହୋଇଥିବାର ପିଟିଆଇ ସୂତ୍ରରୁ ପ୍ରକାଶ ।
A special gift from a special friend.
President @MaithripalaS presented PM @narendramodi the Samadhi Buddha Statue.
This is considered to be one of the best sculptures in the Anuradhapura era.
The original statue was sculptured between the 4th and 7th centuries AD. pic.twitter.com/tZO8xomPQ7
— PMO India (@PMOIndia) June 9, 2019
ଏପ୍ରିଲ ମାସରେ ଆତଙ୍କବାଦୀଙ୍କ ଦ୍ୱାରା କଲମ୍ବୋରେ ଘଟିତ ନରସଂହାର ପରେ ପ୍ରଥମ ବିଦେଶ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦୀ ଶ୍ରୀଲଙ୍କା ଗସ୍ତ କରିଛନ୍ତି । ଏହି ବର୍ବୋରଚିତ ନରସଂହାରକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିନ୍ଦା କରିବା ସହିତ ଶ୍ରୀଲଙ୍କା ସହିତ ଆତଙ୍କବାଦ ବିରୋଧରେ ଲଢିବା ନେଇ ଭାରତର ଆଶ୍ୱାସନା ଦ୍ୱିପାକ୍ଷିକ ସମ୍ପର୍କକୁ ସୁଦୃଢ କରିପାରିବ ।
ଶ୍ରୀଲଙ୍କା ଗସ୍ତ କରିବା ନେଇ ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରି ଜଣାଇଛନ୍ତି ।
ଭାରତୀୟ ବୈଦେଶିକ ବିଭାଗ ମୁଖପାତ୍ର ରବିଶ କୁମାର ସୂଚନାଦେଇ କହିଛନ୍ତି, ଏହି ଦୁଇ ନେତା ଉଭୟ ରାଷ୍ଟ୍ରର ସ୍ୱାର୍ଥ ଲାଗି ଆପୋଷ ଆଲୋଚନା କରିଛନ୍ତି । ଶ୍ରୀଲଙ୍କା ରାଷ୍ଟ୍ରପତି ଏହି ଅବସରରେ ଏକ ପାରମ୍ପରିକ ଉପଢୌକନ ପ୍ରଦାନ କରି ମୋଦୀଙ୍କୁ ସମ୍ମାନିତ କରିଛନ୍ତି ।
ସିରିସେନାଙ୍କ ପରି ପଡ଼ୋଶୀ ରାଷ୍ଟ୍ରମୁଖ୍ୟ ବନ୍ଧୁ ମଧ୍ୟ ଭାରତୀୟ ପ୍ରଧାନମନ୍ତ୍ର୍ୀ ମୋଦୀଙ୍କୁ ଭଗବାନ ବୁଦ୍ଧଙ୍କର ଏକ ମୂର୍ତ୍ତି ଉପହାର କରିଛନ୍ତି ।
ଦୁଇ ରାଷ୍ଟ୍ରନେତାଙ୍କ ସାକ୍ଷାତ ପରେ ମୋଦୀ ସୂଚନାଦେଇ କହିଛନ୍ତି ଯେ, “ଆତଙ୍କବାଦୀଙ୍କ କାପୁରୁଷୋଚିତ କାର୍ଯ୍ୟକଳାପ ଶ୍ରୀଲଙ୍କାର ଉତ୍ସାହକୁ କେବେବି ଭାଙ୍ଗିପାରିବ ନାହିଁ ।”