ନୂଆଦିଲ୍ଲୀ : ବନ୍ଦେ ଭାରତର ସଫଳତା ପରେ ଟ୍ରାକରେ ଗଡିବାକୁ ଯାଉଛି ଅମୃତ ଭାରତ ଟ୍ରେନ୍ । ଖୁବ୍ ଶୀଘ୍ର ଏହାକୁ ଲୋକର୍ପଣ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏ ନେଇ କେନ୍ଦ୍ର ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ସୂଚନା ଦେଇଛନ୍ତି । ଗଣ ମାଧ୍ୟମକୁ ସୂଚନା ଦେଇ ସେ କହିଛନ୍ତି ପୁସ୍ ପୁଲ ଟେକନୋଲୋଜିରେ ନିର୍ମିତ ଏହି ସ୍ବଦେଶୀ ଟ୍ରେନ୍ କୁ ଖୁବ୍ ଶୀଘ୍ର ଆରମ୍ଭ କରାଯିବ । ପୁସ୍ ପୁଲ୍ ଟେକ୍ନୋଲୋଜି ଫଳରେ ଟ୍ରେନଟି ଖୁବ୍ କମ ସମୟ ଭିତରେ ପିକଅପ୍ ଓ ବ୍ରେକ୍ କରାଯାଇପାରିବ ।
ଅର୍ଥାତ୍ ଏହା ଶୀଘ୍ର ସ୍ପିଡ୍ ବଢାପାରିବ ଏବଂ କମାଇ ମଧ୍ୟ ପାରିବ । ମୋଡ୍ , ସେତୁ ଓ ଷ୍ଟେସନ ଆଦି ସ୍ଥାନରେ ଟେକ୍ନାଲୋଜି ସମୟ ବଞ୍ଚାଇବ । ଷ୍ଟାର୍ଟ ଓ ବ୍ରେକ୍ ବେଳେ ଯାତ୍ରୀଙ୍କୁ ବେଶୀ ଝଟକା ଲାଗିନାହିଁ । ଏଥିରେ ଦିବ୍ୟାଙ୍ଗ ମାନଙ୍କ ପାଇଁ ବିଶେଷ ସୁବିଧା ରହିବ । ଏହା ନନ-ଏସି ଟ୍ରେନ୍ । ଏବଂ ଏଥିରେ କବଚ ଟେକ୍ନୋଲୋଜି ଲାଗିଛି । ନୂଆଦିଲ୍ଲୀ ରେଳଷ୍ଟେସନରେ ନିର୍ମିତ ନବ ନିର୍ମିତ ପୁସ୍ ପୁଲ୍ ଟ୍ରେନ୍ ଯାଞ୍ଚ କରିବା ପରେ ରେଳ ମନ୍ତ୍ରୀ ଏହି ସୂଚନା ଦେଇଛନ୍ତି ।
Comments are closed.