ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ୧୩ ତାରିଖ ଅର୍ଥାତ ଆସନ୍ତାକାଲି ତାଙ୍କ ସଂସଦୀୟ ନିର୍ବାଚନମଣ୍ଡଳୀ ବାରଣାସୀରେ ପହଞ୍ଚିବେ। ଭାରତୀୟ ଜନତା ପାର୍ଟି (ବିଜେପି) କର୍ମୀ ତଥା ସାଧାରଣ ଲୋକ ତାଙ୍କୁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ପରିପେକ୍ଷୀରେ ପ୍ରଧାନମନ୍ତ୍ରୀ ମୋଦୀ ବିରାଟ ରୋଡ୍ ସୋ କରିବେ ଏବଂ ନାମାଙ୍କନପତ୍ର ଦାଖଲ କରିବେ। ଏହି ସମୟରେ ପ୍ରଧାନମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରଧାନମନ୍ତ୍ରୀ ମୋଦୀଙ୍କ ଦୁଇ ଦିନିଆ ଗସ୍ତର ପ୍ରସ୍ତୁତିର ତଦାରଖ କରିବା ପାଇଁ ସହରରେ ପହଞ୍ଚି ଆଜି ଭୈରବ ମନ୍ଦିରରେ ପ୍ରାର୍ଥନା କରିଛନ୍ତି। ଏଥି ସହ ଏସପିଜିର ଏକ ଟିମ୍ ପ୍ରଧାନମନ୍ତ୍ରୀ ମୋଦୀଙ୍କ ସୁରକ୍ଷା ପାଇଁ ଶୁକ୍ରବାର ଦିନ ବାରାଣାସୀରେ ପହଞ୍ଚିଛନ୍ତି।
ପ୍ରଧାନମନ୍ତ୍ରୀ ଆସନ୍ତାକାଲି ଅପରାହ୍ନ ୫ ଟାରେ ରୋଡ୍ ସୋ କରିବେ ଏବଂ ବାରଣାସୀରେ ରାତ୍ରୀ ଯାବନ କରିବେ। ପରଦିନ ମଙ୍ଗଳବାର ମେ’ ୧୪ ତାରିଖରେ ନାମାଙ୍କନ ଭରିବେ । ଏହି ସମୟରେ ଏନଡିଏର ବହୁ ନେତା ବି ଉପସ୍ଥିତ ରହିବେ । ତେବେ ଏହା ପୂର୍ବରୁ ପ୍ରଧାନମନ୍ତ୍ରୀ ଅସୀ ଘାଟକୁ ଯିବେ ଓ ସକାଳ ୧୦ଟା ସମୟରେ କାଳ ଭୈରବ ମନ୍ଦିର ଯାଇ ଦର୍ଶନ କରିବେ। ଏହାପରେ ଏନଡିଏ ନେତାଙ୍କ ସହ ବୈଠକ ପରେ ୧୧ଟା ୪୦ରେ ନାମାଙ୍କନ ଭରିବେ । ନାମାଙ୍କନ ପତ୍ର ଦାଖଲ କରିବା ପରେ ପ୍ରଧାନମନ୍ତ୍ରୀ ମୋଦୀ ଝାଡଖଣ୍ଡ ଯାତ୍ରା କରିବେ ।
ଏହି ସମୟରେ ରୋଡ ସୋ ପାଇଁ ବିଜେପି ପ୍ରସ୍ତୁତ ହେଉଛି। ସମସ୍ତ ରାଜ୍ୟର ଲୋକମାନେ ପାରମ୍ପାରିକ ପୋଷାକରେ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିବେ। ପ୍ରଧାନମନ୍ତ୍ରୀ ମୋଦୀଙ୍କ ନାମାଙ୍କନ ସମୟରେ ୪ ଜଣ ପ୍ରସ୍ତାବକ ରହିବେ । ଏମାନେ ହେଉଛନ୍ତି ଆଚାର୍ଯ୍ୟ ଗଣେଶ୍ୱର ଶାସ୍ତ୍ରୀ, ସୋମା ଘୋଷ ସରୋଜ ଚୁଡାମଣି, ମାଝି ସମାଜରୁ ଜଣେ ପ୍ରସ୍ତାବକ ଓ ଜଣେ ମହିଳା ପ୍ରସ୍ତାବକ ।
ସେ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ନାମାଙ୍କନ ପୂର୍ବରୁ ଆୟୋଜିତ ହୋଇଥିବା ରୋଡ୍ ସୋରେ କାଶୀ ଲୋକମାନେ ଏକତ୍ରିତ ହୋଇ ତାଙ୍କୁ ବିବିଧତାର ଏକତାର ବାର୍ତ୍ତା ପ୍ରଦାନ କରି ତାଙ୍କୁ ସ୍ୱାଗତ କରିବେ। ବାରଣାସୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତ ୨ ଥର ଲୋକସଭା ନିର୍ବାଚନରେ କେବେ ବି ଘର ଘର ଯାଇ କାଶୀ ଜନତାଙ୍କୁ ଭୋଟ ମାଗିନାହାନ୍ତି । ନାମାଙ୍କନ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ପରମ୍ପରା ମୁତାବିକ ରୋଡ୍ ଶୋ’ କରିଥାନ୍ତି । ନିଜର ଦୁଇ ଦିବସୀୟ ଗସ୍ତ କ୍ରମରେ ୧୩ ଓ ୧୪ରେ ବାରଣାସୀରେ ରହିବେ ।
Comments are closed.