ବ୍ରହ୍ମପୁର: ବିଶିଷ୍ଟ ସିନେ ନିର୍ଦ୍ଦେଶକ ଅନୁପମ ପଟ୍ଟନାୟକଙ୍କ ନିର୍ଦ୍ଦେଶିତ ବହୁ ପ୍ରତୀକ୍ଷିତ ଓଡ଼ିଆ ଚଳଚ୍ଚିତ୍ର ‘ପ୍ରତୀକ୍ଷା’ ଆସନ୍ତା ଡିସେମ୍ବର ୨ ରେ ମୁକ୍ତିଲାଭ କରିବାକୁ ଯାଉଛି। ଏଥିପାଇଁ ରାଜ୍ୟର ଅନେକ ପ୍ରମୁଖ ଅଞ୍ଚଳରେ ‘ପ୍ରତୀକ୍ଷା’ ଟିମ ଦ୍ବାରା ଜୋରସୋରରେ ପ୍ରମୋସନ କାର୍ଯ୍ୟ ଚାଲିଛି। ରାଉରକେଲା, ବାଲେଶ୍ବର, ମୟୁରଭଞ୍ଜ, ଖୋର୍ଦ୍ଧା ପରେ ବୁଧବାର ବ୍ରହ୍ମପୁରରେ ପହଞ୍ଚିଛି ଏହି ଚଳଚିତ୍ରର ଟିମ୍।
ପ୍ରଥମେ ଖଲ୍ଲିକୋଟ ବିଶ୍ବବିଦ୍ୟାଳୟ ପରିସରରେ ‘ପ୍ରତୀକ୍ଷା’ ଚଳଚ୍ଚିତ୍ରର ଅଭିନେତା ଦୀପନ୍ବିତ ମହାପାତ୍ର, ସଙ୍ଗୀତ ନିର୍ଦ୍ଦେଶକ ଆଶିଷ ପ୍ରଧାନ, ଲାଇନ୍ ପ୍ରଯୋଜକ ଗୋପାଳ ଚନ୍ଦ୍ର ଘଡେଇ, କ୍ରିଏଟିଭ୍ ହେଡ୍ ପ୍ରଣୟ ଜେଠୀ ଏବଂ ସାମ୍ୱାଦିକ ତଥା ଗାୟକ ସୁଦିପ କୁମାର ସାହୁ ଉପସ୍ଥିତ ଥିଲେ। ଏହି ଅବସରରେ କୁଳପତି ଦାୟିତ୍ୱରେ ଥିବା ପ୍ରଫେସର ପ୍ରତାପ ମହାନ୍ତି ଏବଂ ରେଜିଷ୍ଟାର ପ୍ରଫେସର ପ୍ରସନ୍ନ ସ୍ବାଇଁଙ୍କ ସହ ଛାତ୍ର-ଛାତ୍ରୀମାନଙ୍କ ଏହି କାର୍ଯ୍ୟକ୍ରମରେ ଯୋଗଦେଇ ‘ପ୍ରତୀକ୍ଷା’ ଟିମକୁ ଉତ୍ସାହିତ କରିଥିଲେ। ପରେ ପରେ ବ୍ରହ୍ମପୁର ବିଶ୍ବବିଦ୍ୟାଳୟ ପରିସରରେ ମଧ୍ୟ ଚଳଚ୍ଚିତ୍ରଟିର ପ୍ରଚାର କରାଯାଇଥିଲା। ପରିଶେଷରେ ସ୍ଥାନୀୟ ଏକ ହୋଟେଲ୍ରେ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଥିଲା। ଚଳଚ୍ଚିତ୍ର ‘ପ୍ରତୀକ୍ଷା’ ବିଷୟରେ ସୂଚନା ପ୍ରଦାନ କରିଥିଲେ। ଉପସ୍ଥିତ ବରିଷ୍ଠ ନାଗରିକଙ୍କ ସମେତ ସମସ୍ତଙ୍କୁ ଚଳଚ୍ଚିତ୍ରଟି ଦେଖିବା ସହ ‘ଓଡ଼ିଆ ଚଳଚ୍ଚିତ୍ର ବଞ୍ଚାଅ’ ଅଭିଯାନରେ ସାମିଲ ହେବା ପାଇଁ ନିବେଦନ କରାଯାଇଥିଲା। ଏହି ଚଳଚ୍ଚିତ୍ରଟି ବିଶିଷ୍ଟ ଲେଖକ ଗୌରହରି ଦାସଙ୍କ କ୍ଷୁଦ୍ରଗଳ୍ପ ଉପରେ ଆଧାରିତ ଏକ ମଧ୍ୟବିତ୍ତ ଓଡ଼ିଆ ପରିବାରର ଆଶା, ଆକାଂକ୍ଷା, ସ୍ବପ୍ନ ଓ ନୈରାଶ୍ୟର କାହାଣୀ। ପୂର୍ବରୁ ଏହି ଚଳଚ୍ଚିତ୍ରଟି ୱାଶିଂଟନ ଡିସି ଏମସି ମଣ୍ଡଗୋମେରି ସିକ୍କିନଠାରେ ‘ପ୍ରତୀକ୍ଷା’ର ୱାର୍ଲ୍ ଟିଭି ପ୍ରିମିୟର ଅନୁଷ୍ଠିତ ହୋଇସାରିଛି। ଡିସି ସାଉଥ ଏସିଆନ ଫିଲ୍ମ ଫେଷ୍ଟିଭାଲରେ ପ୍ରଦର୍ଶିତ ହୋଇ ଜୁରୀ ମେମ୍ବର ତଥା ଦର୍ଶକଙ୍କ ଦ୍ବାରା ବହୁଳ ଭାବରେ ଆଦୃତ ହୋଇ ରାଜ୍ୟ ପାଇଁ ଗୌରବ ହାସଲ କରିଛି।
BREAKING NEWS
- ରଘୁଙ୍କୁ ଚିଲିକା ଟିକେଟ ମିଳିବା ପରେ ଅସନ୍ତୋଷ ଝାଡ଼ିଲେ ପ୍ରସନ୍ନ ପାଟ୍ଟଶାଣୀ
- ଅଲିମ୍ପିକ କୋଟା ହାସଲ କଲେ ଭିନେଶ, ଅଂଶୁ
- ଅସନ୍ତୁଷ୍ଟ ଅମରଙ୍କ ସମର୍ଥକ, ବଡ଼ଚଣାରେ ବର୍ଷାଙ୍କୁ ହେବ କି ବଡ଼ ଅଡ଼ୁୁଆ?
- ବୌଦ୍ଧରେ ଆଜି ଶିଖର ଛୁଇଁଛି ତାତି,୪୫.୨ଡିଗ୍ରୀ ସର୍ବୋଚ୍ଚ ଦିନ ତାପମାତ୍ରା ରେକର୍ଡ କରାଯାଇଛି
- ବିଶ୍ବ ପ୍ରସିଦ୍ଧ ରଥଯାତ୍ରା-୨୦୨୪: ପୁରୀ ଟାଉନ ହଲ୍ ରେ ପ୍ରଥମ ସମନ୍ବୟ ବୈଠକ ଅନୁଷ୍ଠିତ
- ସନାଙ୍କୁ ବିଧାନସଭା ଟିକେଟ୍, କୁଶଙ୍କ ଜିଲ୍ଲା ଦାୟିତ୍ବ; ବିରୋଧୀଙ୍କୁ ବଡ଼ ଆହ୍ବାନ ଦେଲା ବିଜେଡି?
- ପାଣିପାଗ ବିଶେଷଜ୍ଞ ଚେତାଇଲେ, ଆଗକୁ କ୍ଲାଉଡ ସିଡିଂ ମୌସୁମୀ ଯୁଦ୍ଧ ସମସ୍ୟା ବଢ଼ାଇବ
- ହୁତୁହୁତୁ ହୋଇ ଜଳୁଛି ଶିମିଳିପାଳ ଅଭୟାରଣ୍ୟ, ବିପଦରେ ଜୀବଜନ୍ତୁଙ୍କ ଜୀବନ
- ମହାନଦୀ ଡଙ୍ଗାବୁଡ଼ି ଘଟଣା: ମିଳିଲା ଆଉ ଦୁଇ ମୃତଦେହ, ମୃତ୍ୟୁ ସଂଖ୍ୟା ୮କୁ ବୃଦ୍ଧି
- ବିଜେପି ଗୁଣୁପୁର ବିଧାନସଭାର ସଂଚାଳନ ବୈଠକରେ ରଣନୀତି ପ୍ରସ୍ତୁତି, ଡବଲ ଇଂଜିନ ସରକାର ଉପରେ ଗୁରୁତ୍ୱ