ନୂଆଦିଲ୍ଲୀ : ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କର ବଦଳିଲା ଭୋଟର ପରିଚୟ ପତ୍ରର ଠିକଣା। ମଙ୍ଗଳବାର (ନଭେମ୍ବର ୨୮) ନୂଆଦିଲ୍ଲୀସ୍ଥିତ ରାଷ୍ଟ୍ରପତି ଭବନରେ ତାଙ୍କର ନୂଆ ଭୋଟର ପରିଚୟ ପତ୍ର ସେ ଗ୍ରହଣ କରିଛନ୍ତି। ଦିଲ୍ଲୀର ମୁଖ୍ୟ ନିର୍ବାଚନ ଅଧିକାରୀ ପି. କ୍ରିଷ୍ଣମୂର୍ତ୍ତି ତାଙ୍କୁ ଏହି କାର୍ଡ ପ୍ରଦାନ କରିଛନ୍ତି।
ରାଷ୍ଟ୍ରପତି ହେବା ପରେ ଦ୍ରୌପଦୀ ମୁର୍ମୁଙ୍କ ଭୋଟର ଆଇଡି ଠିକଣା ମୟୂରଭଞ୍ଜ ରାଇରଙ୍ଗପୁରରୁ ଦିଲ୍ଲୀକୁ ବଦଳାଯାଇଛି। ମୁଖ୍ୟ ନିର୍ବାଚନ ଅଧିକାରୀ କ୍ରିଷ୍ଣମୂର୍ତ୍ତି ଗତ ନଭେମ୍ବର ୧୦ ତାରିଖରେ ରାଷ୍ଟ୍ରପତି ଭବନ ଯାଇ ଠିକଣା ପରିବର୍ତ୍ତନର ସୁବିଧା କରିଥିଲେ।
ଓଡ଼ିଶାର ରାଷ୍ଟ୍ରପତି ମୁର୍ମୁ ୨୦୨୨ ମସିହା ଜୁଲାଇ ୨୫ ତାରିଖରେ ଭାରତର ପଞ୍ଚଦଶ ରାଷ୍ଟ୍ରପତି ଭାବେ ଶପଥ ଗ୍ରହଣ କରିଥିଲେ। ଏହାପୂର୍ବରୁ ଝାଡଖଣ୍ଡର ରାଜ୍ୟପାଳ ଭାବେ ଦାୟିତ୍ବ ତୁଲାଇଥିଲେ। ଅବସର ପରେ ସେ ତାଙ୍କ ଗାଁରେ ରହୁଥିଲେ।
Comments are closed.