ପୁରୀ: ବୟସାଧିକ ଓ ରୋଗାକ୍ରାନ୍ତଙ୍କୁ ଆସିବାକୁ ମନା କଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ। ପ୍ରବଳ ଭିଡ଼ ହେଉଥିବାରୁ ନଆସିବାକୁ ଅନୁରୋଧ କରିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ ଦାସ। ଆଜି କାର୍ତିକ ମାସରେ ଜଗା ଦୁଆରେ ପ୍ରବଳ ଭିଡ ଜମିଥିଲା। ଏହି ଅବସରରେ ଅନେକ ଲୋକ ଧାଡିରେ ଦର୍ଶନ କରିବାକୁ ଆସି ନାନା ହଇରାଣ ହୋଇଥିଲେ। ଯାହାକୁ ନେଇ ଶ୍ରୀମନ୍ଦିର ପ୍ରଶାସନ ସମାଲୋଚନାର ଶିକାର ହୋଇଥିଲା।
ସୋମବାର କେନ୍ଦୁଝର ଜିଲ୍ଲା ଫକୀରପୁରରୁ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ପାଇଁ ଯାତ୍ରା କରିଥିବା 70 ବର୍ଷୀୟା ହାରାମଣି ଘଣ୍ଟା ଘଣ୍ଟା ଧରି ଲମ୍ବିଥିବା ଏକ ଧାଡ଼ିରେ ଫସି ରହିଥିବା ଦେଖିବାକୁ ମିଳିଥିଲା। ଏହି ଚାପକୁ ସହ୍ୟ କରି ନ ପାରି ସେ କାନ୍ଦି କାନ୍ଦି ସାହାଯ୍ୟ ପାଇଁ ଗୁହାରି କରିଥିଲେ। ଏହି ଘଟଣାକୁ ନେଇ ସାରା ଓଡ଼ିଶାର ଦର୍ଶକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି।
ଘଟଣାସ୍ଥଳରେ ମୁତୟନ ଥିବା ଦୁଇ ଜଣ ପୋଲିସ କର୍ମଚାରୀ ହସ୍ତକ୍ଷେପ କରି ହାରାମଣିଙ୍କୁ ମନ୍ଦିରକୁ ନେଇ ଯାଇଥିଲେ ଏବଂ ଶେଷରେ ତାଙ୍କୁ ଦେବଦେବୀଙ୍କ ଦର୍ଶନ କରିବାକୁ ସକ୍ଷମ କରିଥିଲେ। ତେବେ ବିଶୃଙ୍ଖଳିତ ଭିଡ଼ ପରିଚାଳନା ମଧ୍ୟରେ ନିଜର ଧାର୍ମିକ କର୍ତ୍ତବ୍ୟ ପାଳନ ପାଇଁ ସଙ୍ଘର୍ଷ କରୁଥିବା ଅନେକ ଭକ୍ତଙ୍କ ସମସ୍ୟା ଆଜିର ଘଟଣାରୁ ବେଶ ବାରି ହୋଇ ପଡିଛି।
ପୁରୀ ଶ୍ରୀମନ୍ଦିରର ଆଧ୍ୟାତ୍ମିକ ପରିବେଶକୁ ଅନୁଭବ କରିବା ପାଇଁ ବହୁ ଦୂର ଦୂରାନ୍ତରୁ ଆସିଥିବା ଶ୍ରଦ୍ଧାଳୁମାନେ ଏହି ଅଭାବନୀୟ ବ୍ୟବସ୍ଥାକୁ ନେଇ ନିରାଶା ଓ ହତାଶା ପ୍ରକାଶ କରିଛନ୍ତି। ଆଉ କେବେ ମନ୍ଦିରକୁ ଆସିବେ ନାହିଁ ବୋଲି ଅନେକ ପ୍ରତିଜ୍ଞା କରିଥିଲେ।
ସ୍ଥିତି ବିଗିଡ଼ିବା ପାଇଁ ତିନି ଦ୍ୱାର ବନ୍ଦକୁ ବୁଦ୍ଧିଜୀବୀମାନେ ଦାୟୀ କରିଛନ୍ତି। ପୂର୍ବଭଳି ଶୃଙ୍ଖଳିତ ଦର୍ଶନ ପାଇଁ ରାଜ୍ୟ ସରକାର ଓ ଶ୍ରୀମନ୍ଦିର ପ୍ରଶାସନକୁ ଅନୁରୋଧ କରାଯାଇଛି। ପଶ୍ଚିମବଙ୍ଗର ଜଣେ ମହିଳା ଭକ୍ତ ଦୁଃଖ ପ୍ରକାଶ କରି କହିଛନ୍ତି, ପୂର୍ବ ବ୍ୟବସ୍ଥା ବହୁତ ଭଲ ଥିଲା।
ବୁଦ୍ଧିଜୀବି କହିଛନ୍ତି, ବ୍ୟାରିକେଡରେ ଠିଆ ହୋଇଥିବା ଭକ୍ତମାନେ ଅପାର କଷ୍ଟର ସମ୍ମୁଖୀନ ହେଉଛନ୍ତି। ଧାଡି ଧରୁଥିବା ଗେଟ୍ ନିକଟରେ ପାଇଖାନା ବ୍ୟବସ୍ଥା ନଥିବାରୁ ସେମାନଙ୍କ ଦୁର୍ଦ୍ଦଶା ବଢ଼ିବାରେ ଲାଗିଛି।
Comments are closed.