ଫେରିଲେ ସିନ୍ଧୁ, ଚୀନକୁ ହରାଇଲା ଭାରତ

ନୂଆଦିଲ୍ଲୀ: ଆହତ କାରଣରୁ ଚାରି ମାସ ପରେ ଷ୍ଟାର ବ୍ୟାଡମିଣ୍ଟନ ଖେଳାଳି ପି.ଭି ସିନ୍ଧୁ ଏକ ଚମତ୍କାର ପ୍ରତ୍ୟାବର୍ତ୍ତନ କରିଛନ୍ତି। ବୁଧବାର ଦିନ ବ୍ୟାଡମିଣ୍ଟନ ଏସିଆ ଟିମ୍ ଚାମ୍ପିଅନସିପ୍ (BATC) ର ମହିଳା ଇଭେଣ୍ଟରେ ଭାରତ ଶକ୍ତିଶାଳୀ ଚୀନ୍ ଦଳକୁ ୩-୨ରେ ପରାସ୍ତ କରିଛି। ସିନ୍ଧୁ ଏକ ବିଜୟରୁ ଆରମ୍ଭ କରିଥିଲେ। ଗ୍ରୁପ୍ ଡବ୍ଲୁରେ କେବଳ ଦୁଇଟି ଦଳ ଥିବାରୁ ପ୍ରଥମ ମ୍ୟାଚ୍ ପୂର୍ବରୁ ମଧ୍ୟ ନକ୍ଆଉଟରେ ଭାରତର ବିଜୟ ନିଶ୍ଚିତ ଥିଲା, କିନ୍ତୁ ଦଳ ଶୀର୍ଷ ସିଡ୍ ଚାଇନାକୁ ପରାସ୍ତ କରି ଗର୍ବର ସହିତ ନକ୍ଆଉଟ୍ ଭିତରକୁ ପ୍ରବେଶ କରିଥିଲା।

ଗତ ବର୍ଷ ଫ୍ରେଞ୍ଚ ଓପନ୍ ସମୟରେ ଆଣ୍ଠୁରେ ଆଘାତ ଲାଗିଥିବା ସିନ୍ଧୁ 40 ମିନିଟରେ ନିଜର ଉନ୍ନତ ମାନ୍ୟତା ହାନ୍ ୟୁୟୁ ୨୧-୧୭, ୨୧-୧୫କୁ ପରାସ୍ତ କରି ଭାରତକୁ ୧-୦ ଅଗ୍ରଣୀ ଦେଇଥିଲେ। ଦୁଇଥର ଅଲିମ୍ପିକ୍ ପଦକ ବିଜେତା ୨୮ ବର୍ଷିୟ ସିନ୍ଧୁ, ବିଶ୍ୱ ମାନ୍ୟତା ତାଲିକାରେ ୧୧ରେ ରହିଥିବା ବେଳେ ୟୁଇ ଅଷ୍ଟମ ସ୍ଥାନରେ ରହିଛନ୍ତି।

ହାରିଗଲା ତନୀଷା କ୍ରାଷ୍ଟୋ ଓ ଅଶ୍ୱିନୀ ପୋନ୍ନାପାଙ୍କ ଯୋଡ଼ି
ଲିୟୁ ସେଙ୍ଗ ଶୁ ଏବଂ ଟାନ୍ ନିଙ୍ଗଙ୍କ ନିକଟରୁ ଭାରତୀୟ ଯୋଡି ତନିଶା କ୍ରାଷ୍ଟୋ ଏବଂ ଅଶ୍ୱିନୀ ପୋନ୍ନାପ୍ପା ୧୯-୨୧, ୧୬-୨୧ରେ ପରାଜୟ ବରଣ କରିଛନ୍ତି। ସେହିପରି ଭାରତର ଅନ୍ୟତମ ଷ୍ଟାର ଅସ୍ମିତା ଚଲିହା ୧୩-୨୧,୧୫-୨୧ ସେଟରେ ବିଶ୍ୱର ନ ନମ୍ବର ଖେଳାଳି ୱାଙ୍ଗ ଝି ୟିଙ୍କ ନିକଟରୁ ପରାଜୟ ବରଣ କରିଥିଲେ। ତ୍ରିଶା ଜଲି ଏବଂ ଗାୟତ୍ରୀ ଗୋପୀଚାନ୍ଦ ପରେ ଏକ ଘଣ୍ଟା ନଅ ମିନିଟରେ ଲି ୟି ଜିଙ୍ଗ ଏବଂ ଲୁଓ ଶୁ ମିନି ୧୦-୨୧, ୨୧-୧୮, ୨୧-୧୭କୁ ପରାସ୍ତ କରି ଭାରତକୁ ସମାନତା ଦେଇଥିଲେ।

ୱୁ ଲିଓକୁ ହରାଇଥିଲେ ଅନମୋଲ ଖରବ
ନିର୍ଣ୍ଣାୟକ ମ୍ୟାଚରେ ବିଶ୍ୱ ନମ୍ବର ୪୭୨ ଅନମୋଲ ଖାରବ ବିଶ୍ୱ ନମ୍ବର ୧୪୯ ନମ୍ବରରେ ଥିବା ୱୁ ଲିଆଓ ୟୁ ୨୨-୨୦, ୧୪-୨୦, ୨1-୧୮କୁ ଏକ ଘଣ୍ଟା ୧୭ମିନିଟରେ ପରାସ୍ତ କରି ଭାରତର ବିଜୟ ନିଶ୍ଚିତ କରିଛନ୍ତି। ବୁଧବାର ଏକ ଗ୍ରୁପ୍ ଏ ଲିଗ୍ ମ୍ୟାଚରେ ଭାରତୀୟ ପୁରୁଷ ଦଳ ହଂକଂକୁ ଭେଟିବ।