ବ୍ରହ୍ମପୁର: ବ୍ରହ୍ମପୁର ବିଶ୍ୱବିଦ୍ୟାଳୟ ପରିସରରେ ଥିବା ଅଧ୍ୟାପକ କ୍ବାର୍ଟର ପରିସରରୁ ଏକ ଅଜଗର ସାପକୁ ମଙ୍ଗଳବାର ବିଳମ୍ବିତ ରାତିରେ ସ୍ନେକ୍ ହେଲପ ଲାଇନର ସଦସ୍ୟ ଉଦ୍ଧାର କରିଛନ୍ତି। ସୂଚନା ମୁତାବକ କ୍ବାର୍ଟର ନମ୍ବର ବି-୬ ପରିସରରେ ଏକ ବିରାଟକାୟ ସାପକୁ ଦେଖି ସ୍ନେକ ହେଲ୍ପ ଲାଇନକୁ ଯୋଗାଯୋଗ କରାଯାଇଥିଲା। ଖବରପାଇ ସ୍ନେକ ହେଲ୍ପ ଲାଇନ ସଦସ୍ୟ ସେଠାରେ ପହଞ୍ଚି ଦେଖିବା ବେଳକୁ ସାପଟି କ୍ୱାଟର ମଧ୍ୟରେ ଥିବା ଏକ ଗଛ ଉପରକୁ ଚଢିଯାଇଥିଲା। ଏହାପରେ ସଦସ୍ୟ ସ୍ୱାଧିନ କୁମାର ସାହୁ କୌଶଳ କ୍ରମେ ସାପଟିକୁ ଗଛ ଉପରୁ ତଳକୁ ଆଣି କାବୁ କରିଥିଲେ। ସାପଟି ଅଜଗର ପ୍ରଜାତିର ହୋଇଥିବା ବେଳେ ତାହାର ଲମ୍ବ ୬ ଫୁଟ ରହିଥିବା ସ୍ନେକ ହେଲପ ଲାଇନ ସଦସ୍ୟ ସ୍ବାଧୀନ ପ୍ରକାଶ କରିଛନ୍ତି। ସେହିପରି ଉଦ୍ଧାର ସାପଟିକୁ ବୁଧବାର ବନ ବିଭାଗର ପରାମର୍ଶକ୍ରମେ ସଂରକ୍ଷିତ ଜଙ୍ଗଳରେ ଛଡା ଯାଇଛି।
Comments are closed.