ନୂଆଦିଲ୍ଲୀ:ଶିକ୍ଷାରେ ଚମକିଲା ଭାରତ । ଏସିଆ ମହାଦେଶରେ ଭାରତର ଆଇଆଇଟି ବମ୍ବେ ଏବଂ ଆଇଆଇଟି ଦିଲ୍ଲୀ ଟପ ୫୦ ତାଲିକାରେ ସ୍ଥାନ ପାଇଛି । କ୍ୱାକ୍ୱେରେଲି ସାଇମଣ୍ଡସ୍ ବୁଧବାର ଦିନ କ୍ୟୁଏସ ଏସିଆ ୟୁନିଭର୍ସିଟି ରାକିଂ -୨୦୨୪ ତାଲିକା ଜାରି କରିଛ୍ତି । ଏଥିରେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଟେକ୍ନୋଲଜି ବମ୍ବେ ୪୦ତମ ସ୍ଥାନରେ ଥିବାବେଳେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଟେକ୍ନୋଲଜି ଦିଲ୍ଲୀ ୪୬ତମ ସ୍ଥାନରେ ରହିଛି ।
ଏହି ତାଲିକାରେ ଚୀନର ୟୁନିଭର୍ସିଟି ଟପ-୧ ତାଲିକାରେ ରହିଛି । ଚୀନର ପେକିଂ ୟୁନିଭର୍ସିଟି ୧ନମ୍ବରରେ ଥିବାବେଳେ ହଂକଂ ୟୁନିଭର୍ସିଟି ୨ୟ ସ୍ଥାନରେ ରହିଛି । ତୃତୀୟ ସ୍ଥାନରେ ରହିଛି ସିଂଗାପୁର ନାଶନାଲ ୟୁନିଭର୍ସିଟି ।
ସେହିପରି କୋରିଆ ୟୁନିଭର୍ସିଟି ୯ମ ସ୍ଥାନରେ ରହିଛି । ପ୍ରଥମ ୧୦ ତାଲିକାରେ ଚୀନର ଏକାଧିକ ୟୁନିଭର୍ସିଟି ରହିଛି । ଚଳିତବର୍ଷ କ୍ୟୁଏସ ଏସିଆ ୟୁନିଭର୍ସିଟି ରାକିଂରେ ଏସିଆର ପାଖାପାଖି ୮୫୬ ବିଶ୍ୱବିଦ୍ୟାଳୟ ସାମିଲ ହୋଇଥିଲେ ।
ପ୍ରଥମ ୧୦୦ ତାଲିକାରେ ଭାରତର ୬ଟି ବିଶ୍ୱବିଦ୍ୟାଳୟ ସ୍ଥାନ ପାଇଛି । ଗତବର୍ଷ ଅର୍ଥାତ ୨୦୨୩ ରାକିଂରେ ପ୍ରଥମ ୧୦୦ ବିଶ୍ୱବିଦ୍ୟାଳୟ ତାଲିକାରେ ଭାରତର ୭ ବିଶ୍ୱବିଦ୍ୟାଳୟ ସ୍ଥାନ ପାଇଥିଲା ।
Comments are closed.