ପ୍ୟାରିସ: ବିଶ୍ୱର ୨ ନମ୍ବର ଖେଳାଳି ରାଫେଲ ନାଡାଲ କ୍ୟାରିୟରର ୧୦୦୦ତମ ବିଜୟ ହାସଲ କରିଛନ୍ତି । ପ୍ୟାରିସ ମାଷ୍ଟର୍ସ ଦ୍ୱିତୀୟ ରାଉଣ୍ଡ ମ୍ୟାଚରେ ବିଜୟୀ ହେବା ପରେ ସେ ବିଶ୍ୱର ୪ର୍ଥ ଖେଳାଳି ଭାବେ ଏହି ସଫଳତା ହାତେଇଛନ୍ତି । ନାଡାଲ ୭୮୯ ସପ୍ତାହ (ପାଖାପାଖ ୧୫ ବର୍ଷ) ପ୍ରଥମ ୧୦ ଜଣଙ୍କ ମଧ୍ୟରେ ରହି ବିଶ୍ୱରେକର୍ଡ ସ୍ଥାପନ କରିଛନ୍ତି ।
ଟେନିସରେ ସର୍ବାଧିକ ମ୍ୟାଚ ଜିତିବା ରେକର୍ଡ ଜିମ୍ମି କନର୍ସଙ୍କ ନାମରେ ରହିଛି । ସେ ୧୨୭୪ ମ୍ୟାଚ ଜିତିଛନ୍ତି । ତାଙ୍କ ପଛକୁ ରୋଜର ଫେଡେରର ୧୨୪୨, ଇଭାନ ଲେଣ୍ଡଲ ୧୦୬୮ ଓ ନାଡାଲ ୧୦୦୦ ମ୍ୟାଚ ଜିତିଛନ୍ତି । ଏତେଗୁଡିଏ ମ୍ୟାଚ ଜିତିବା ମାନେ ମୁଁ ବୁଢ଼ା ହୋଇଗଲିଣି ବୋଲି ଏହି କ୍ଲେ କୋର୍ଟ କିଙ୍ଗ କହିଛନ୍ତି ।
Comments are closed.