ନୂଆଦିଲ୍ଲୀ: ପଞ୍ଜାବ କଂଗ୍ରେସ ମୁଖ୍ୟ ନବଜୋତ ସିଂ ସିଦ୍ଧୁଙ୍କୁ ଆମ ଆଦମୀ ପାର୍ଟିର ବିଧାୟକ ରାଘବ ଚଡ୍ଡା ସମାଲୋଚନା କରିବା ସହ ରାକ୍ଷୀ ସାୱନ୍ତଙ୍କ ସହ ତୁଳନା କରିଛନ୍ତି । ଏ ନେଇ ଏବେ ଆପ ଓ କଂଗ୍ରେସ କର୍ମୀମାନେ ମୁହାଁମୁହିଁ ହୋଇଛନ୍ତି । କୃଷି ଆଇନ ନେଇ ଆପ ମୁଖ୍ୟ ଅରବିନ୍ଦ କେଜ୍ରିୱାଲ ଓ ତାଙ୍କ ଦଳ ଦୋମୁହାଁ ନୀତି ଆପଣାଉଛି ବୋଲି ସିଦ୍ଧୁ କହିଥିଲେ । ଏହାର ଜବାବରେ ଆଜି ଆପ ସିଦ୍ଧୁଙ୍କୁ ଟାର୍ଗେଟ କରିଛି ।
ଗୋଟିଏ ଦିନ କ୍ୟାପ୍ଟେନ ଅମ୍ରିନ୍ଦର ସିଂଙ୍କୁ ଏବଂ ଅନ୍ୟ ଦିନରେ କ୍ରେଜିୱାଲଙ୍କ ପଛରେ ପଡୁଛନ୍ତି ବୋଲି ରାଘବ କହିଛନ୍ତି । ପଞ୍ଜାବ ବିଧାନସଭା ନିର୍ବାଚନ ଯେତେ ନିକଟତର ହେଉଛି ନେତାମାନଙ୍କ ବାକ୍ଯୁଦ୍ଧ ସେହି ପରିମାଣରେ ବଢ଼ିବାରେ ଲାଗୁଛି ।
Comments are closed.