ହନ୍ଦୱାରା ସହିଦଙ୍କ ପ୍ରତି ଶୋକବ୍ୟକ୍ତ କଲେ ରାଜନାଥ

ନୂଆଦିଲ୍ଲୀ: ଜମ୍ମୁ କାଶ୍ମୀରର ହନ୍ଦୱାରାରେ ସହିଦ ହୋଇଥିବା ପଂଚ ଜଣ ସୁରକ୍ଷାକର୍ମୀଙ୍କ ପ୍ରତି ଶୋକବ୍ୟକ୍ତ କରିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ସେ ଟ୍ୱିଟ କରି ସହିଦ ହୋଇଥିବା ସୈନିକ ଓ ସୁରକ୍ଷାକର୍ମୀଙ୍କ ପ୍ରତି ଶ୍ରଦ୍ଧାଞ୍ଜଳି ଦେଇଛନ୍ତି ।
ଏଥିସହ ବୀର ସହିଦମାନଙ୍କ ପରିବାରଙ୍କ ପାଖେ ପାଖେ ଭାରତ ରହିଛି । ଦେଶ ସେମାନଙ୍କର ସାହସିକତା ଓ ଆତ୍ମବଳିକୁ ଭୁଲିବ ନାହିଁ ବୋଲି ସେ କହିଛନ୍ତି ।
ସେ ଆହୁରି କହିଛନ୍ତି ଯେ ହନ୍ଦୱାରାରେ ଆମେ ହରାଇଥିବା ସୈନିକ ଓ ସୁରକ୍ଷା କର୍ମଚାରୀଙ୍କ କଥା ଅତ୍ୟନ୍ତ ବେଦନା ଦାୟକ। ଆତଙ୍କବାଦୀଙ୍କ ସହ ଲଢ଼େଇରେ ସେମାନେ ଦୃଷ୍ଟାନ୍ତମୂଳକ ସାହସ ଦେଖାଇଛନ୍ତି ଓ ଦେଶର ସେବା କରି ଆତ୍ମବଳି ଦେଇଛନ୍ତି। ଆମେ ସେମାନଙ୍କ ସାହସିକତା ଓ ଆତ୍ମବଳିକୁ ଭୁଲିବୁ ନାହିଁ।