ମୁମ୍ବାଇ: ବଲିଉଡ୍ ଅଭିନେତା ରଣବୀର ସିଂ ଓ ଅଭିନେତ୍ରୀ ଆଲିଆ ଭଟ୍ଟ ସେମାନଙ୍କର ଆଗାମୀ ଫିଲ୍ମ ‘ରକି ଔର ରାନୀ କି ପ୍ରେମ କାହାନୀ’କୁ ନେଇ ଖୁବ୍ ବ୍ୟସ୍ତ ଅଛନ୍ତି । ଏବେ ରଣବୀର ଓ ଆଲିଆ ସେମାନଙ୍କ ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି । ଏହି ଫିଲ୍ମ ଆସନ୍ତା ୨୮ ତାରିଖରେ ରିଲିଜ୍ ହେବ । ନିକଟରେ ଫିଲ୍ମର ଗୀତଗୁଡ଼ିକ ରିଲିଜ ହୋଇଯାଇଛି । ଏହି ଗୀତଗୁଡ଼ିକ ଲୋକଙ୍କ ମନକୁ ଛୁଇଁଥିବା ବେଳେ ଏହି ଯୋଡ଼ିକୁ ପରଦାରେ ଦେଖିବାକୁ ପ୍ରଶଂସକମାନେ ଉତ୍ସାହିତ ଅଛନ୍ତି । ଏସବୁ ଭିତରେ ନିକଟରେ ଏକ ଫ୍ୟାଶନ ଶୋରେ ରଣବୀର ଓ ଆଲିଆ କାଟୱାକ୍ କରୁଥିଲେ । ଏହି ସମୟରେ ରଣବୀର ଆଲିଆଙ୍କ ହାତ ଛାଡ଼ି ଷ୍ଟେଜ୍ ତଳେ ବସିଥିବା ତାଙ୍କ ପତ୍ନୀ ଦୀପିକାଙ୍କୁ ଚୁମ୍ବନ ଦେବା ସହ ତାଙ୍କ ମାଆଙ୍କ ପାଦ ଛୁଇଁ ଆର୍ଶିବାଦ ନେଇଥିଲେ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଅଭିନେତା ରଣବୀର ସିଂ ଓ ପତ୍ନୀ ତଥା ଅଭିନେତ୍ରୀ ଦୀପିକା ପାଦୁକୋନଙ୍କ ଯୋଡ଼ିକୁ ଲୋକେ ବହୁତ ପସନ୍ଦ କରନ୍ତି । ରଣବୀର ମଧ୍ୟ ଦୀପିକାଙ୍କୁ ବହୁତ ଭଲ ପାଆନ୍ତି । ଏହାର ସଦ୍ୟତମ ଝଲକ ଏବେ ଏକ ର଼୍ୟାମ୍ପ ଶୋ’ରେ ଦେଖିବାକୁ ମିଳିଛି । ରଣବୀରଙ୍କ ଫିଲ୍ମ ‘ରକି ଔର ରାନୀ କି ପ୍ରେମ କାହାନୀ’ ଜୁଲାଇ ୨୮ରେ ରିଲିଜ ହେବାକୁ ଯାଉଛି । ଏହାପୂର୍ବରୁ ରଣବୀର ନାୟିକା ଆଲିଆ ଭଟ୍ଟଙ୍କ ସହ ଡିଜାଇନର ମନିଷ ମଲହୋତ୍ରାଙ୍କଏକ ଫ୍ୟାଶନ ଶୋରେ ନଜର ଆସିଥିଲେ । ଏହି ଶୋରେ ଉଭୟେ କ୍ୟାଟୱାକ୍ କରୁଥିବା ସମୟରେ ରଣବୀର ଅଧାରୁ ଆଲିଆଙ୍କ ହାତ ଛାଡ଼ି ମଞ୍ଚ ତଳକୁ ଯାଇ ଦୀପିକାଙ୍କୁ ଚୁମ୍ବନ ଦେଇଥିଲେ । ଏପରିକି ନିଜ ମା’ଙ୍କ ପାଦ ଛୁଇଁଥିଲେ । ଏବେ ସୋସିଆଲ ମିଡିଆରେ ଏହାର ଏକ ଭିଡିଓ ଭାଇରାଲ ହେଉଛି । ପ୍ରଶଂସକ ‘ସ୍ୱାମୀ ହେବ ତ ଏମିତି’ ବୋଲି ମତ ରଖିଛନ୍ତି ।
Comments are closed.