ବର୍ମିଂହାମ: ଚଳିତ ରାଜ୍ୟଗୋଷ୍ଠୀ କ୍ରୀଡାରେ ଭାରତୀୟ ରେସଲରଙ୍କ ପ୍ରାଧାନ୍ୟ ବଜାୟ ରହିଛି । ଶନିବାର ୫୭କେଜି ବିଭାଗରେ ରବି ଦାହିୟା ଭାରତ ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି । ଫାଇନାଲରେ ସେ ନାଇଜେରିୟାର ଏବିକେବୋନିମୋଙ୍କୁ ୧୦-୦ରେ ପରାସ୍ତ କରିଥିଲେ । ଟୋକିଓ ଅଲିମ୍ପିକ୍ସ ରୌପ୍ୟ ପଦକ ବିଜେତା ରବିଙ୍କ ସମ୍ପୂର୍ଣ୍ଣ ଏକତରଫା ଭାବେ ଏହାକୁ ଜିତି ନେଇଥିଲେ । ରାଜ୍ୟଗୋଷ୍ଠୀ କ୍ରୀଡାରେ ରବି ପ୍ରଥମ ଥର ପାଇଁ ଅଂଶଗ୍ରହଣ କରିଛନ୍ତି । ରେସଲିଂରେ ୪ ସ୍ୱର୍ଣ୍ଣ ସହ ଭାରତ ୮ ପଦକ ହାସଲ କରି ନେଇଛି । ଶୁକ୍ରବାର ରେସଲିଂରେ ବଜରଙ୍ଗ ପୁନିଆ, ସାକ୍ଷୀ ମଲିକ ଓ ଦୀପକ ପୁନିଆ ସ୍ୱର୍ଣ୍ଣ ପଦକ ଜିତିଥିଲେ । ଟେକ୍ନିକାଲ ସୁପରିୟରିଟିରେ ରବି ତାଙ୍କ ପ୍ରତିଦ୍ୱନ୍ଦ୍ୱୀଙ୍କୁ ମାତ ଦେଇଥିଲେ । ପ୍ରଥମ ୨ ମିନିଟ ପର୍ଯ୍ୟନ୍ତ ଏବିକୋବୋନିମୋ କଡା ସଂଘର୍ଷ କରିଥିଲେ ମାତ୍ର ଏହା ପରେ ତାଙ୍କ ଦୁର୍ବଳତାକୁ ଧରି ରବି ଆକ୍ରମଣାତ୍ମକ ପ୍ରଦର୍ଶନ କରି ମୁକାବିଲାରେ ଜିତିଥିଲେ ।
Comments are closed.