ରେପୋ ରେଟ୍ ଅପରିବର୍ତ୍ତିତ, ଆପଣଙ୍କ ପକେଟ ଉପରେ କି ପ୍ରଭାବ ପକାଇବ ପଢ଼ନ୍ତୁ ଏହି ରିପୋର୍ଟ

ମୁମ୍ବାଇ: ତିନି ଦିନିଆ ମୁଦ୍ରାନୀତି କମିଟି ବୈଠକର ଫଳାଫଳକୁ ରିଜର୍ଭ ବ୍ୟାଙ୍କ ଆଜି ସାର୍ଜନୀନନ କରିଛି। ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି, କ୍ରମାଗତ ଦ୍ୱିତୀୟ ବୈଠକ ପାଇଁ ସୁଧ ହାର ସ୍ଥିର ରଖାଯାଇଛି। ରେପୋ ରେଟ୍ ମଧ୍ୟ ଏଥର ୬.୫ ପ୍ରତିଶତରେ ସ୍ଥିର ରହିଛି।

ଏହିପରି, ଯଦି ଆପଣ ଘର ଋଣ ନେଇଛନ୍ତି କିମ୍ବା ଶୀଘ୍ର କାର ଋଣ ନେବାକୁ ଯାଉଛନ୍ତି, ତେବେ ଏହା ଆପଣଙ୍କ ପକେଟ ଉପରେ ବୋଝ ଅଧିକ କରିବ ନାହିଁ। ଆରବିଆଇରମୁଦ୍ରା ନୀତି କମିଟିର ୪୩ ତମ ବୈଠକ ୬ ଜୁନ୍ ୨୦୨୩ରେ ଆରମ୍ଭ ହୋଇ ଆଜି ଶେଷ ହୋଇଛି।

ରିଜର୍ଭ ବ୍ୟାଙ୍କ ଗତ ବର୍ଷ ମେ ମାସରୁ କ୍ରମାଗତ ଭାବରେ ରେପୋ ହାର ବୃଦ୍ଧି କରିଆସୁଛି। କେବଳ ଏପ୍ରିଲରେ ଅନୁଷ୍ଠିତ ଏମପିସି ବୈଠକରେ ସୁଧ ହାର ବୃଦ୍ଧି ହୋଇନାହିଁ। ରିଜର୍ଭ ବ୍ୟାଙ୍କ ଦ୍ୱାରା ରେପୋ ରେଟ୍ ବୃଦ୍ଧି ଯୋଗୁଁ ସମସ୍ତ ପ୍ରକାର ଋଣ ମହଙ୍ଗା ହୋଇଛି। ଏହାର ଖରାପ ପ୍ରଭାବ ହୋମ୍ ଲୋନ୍ ବା ଘର ଋଣ ନେଇଥିବା ବ୍ୟକ୍ତିଙ୍କ ଇଏମଆଇ ଉପରେ ପଡିଛି। ଏହି କାରଣରୁ ଋଣ ନେଇଥିବା ବ୍ୟକ୍ତିମାନେ ଆରବିଆଇରୁ ଏକ ଆଶ୍ୱସ୍ତି ଆଶା ରଖିଥିଲେ। ଏଥି ସହିତ ଯେଉଁମାନେ ଷ୍ଟକ୍ ମାର୍କେଟରେ ଟଙ୍କା ବିନିଯୋଗ କରିଥିଲେ ସେମାନେ ମଧ୍ୟ ଏହି ଘୋଷଣାକୁ ଅପେକ୍ଷା କରିଥିଲେ।

ଗତ ବର୍ଷ ଅଶୋଧିତ ତୈଳର ମୂଲ୍ୟ ବୃଦ୍ଧି ମଧ୍ୟରେ ରିଜର୍ଭ ବ୍ୟାଙ୍କ ପ୍ରାୟ ୨ ବର୍ଷର ବିରତି ପରେ ହଠାତ୍ ରେପୋ ହାର ବଦଳାଇବା ଆରମ୍ଭ କରିଥିଲା। ସେହି ଦିନଠାରୁ, ଗତ ବର୍ଷକ ମଧ୍ୟରେ ଦେଶରେ ଋଣ କ୍ରମାଗତ ଭାବରେ ବ୍ୟୟବହୁଳ ହେଉଛି।

ମୁଦ୍ରାସ୍ଫୀତି ନିୟନ୍ତ୍ରଣ କରିବା ପାଇଁ ଆରବିଆଇ ମେ ୨୦୨୨ ରୁ ଫେବୃଆରୀ ୨୦୨୩ ମଧ୍ୟରେ ରେପୋ ହାରକୁ ୨.୫ ପ୍ରତିଶତ ବୃଦ୍ଧି କରିଛି। ଯାହାର ପ୍ରଭାବ ଘର ଏବଂ କାର ଋଣ ଉପରେ ପଡିଛି ଢ ମୂଲ୍ୟବାନ ଋଣ ଯୋଗୁଁ, ଇଏମଆଇ ଭାର ମଧ୍ୟ ବୃଦ୍ଧି ପାଉଛି ଢ ଗତ ବର୍ଷ ପର୍ଯ୍ୟନ୍ତ ପ୍ରାୟ ୭ ପ୍ରତିଶତ ଉପଲବ୍ଧ ଘର ଋଣ ଏବଂ କାର ଋଣ ଦୁଇ ଅଙ୍କରେ ପହଞ୍ଚିଛି। ଏହି ସମୟରେ, ସମସ୍ତଙ୍କର ବ୍ୟକ୍ତିଗତ ଇଏମଆଇ କ୍ରମାଗତ ଭାବରେ ବୃଦ୍ଧି ପାଉଛି।

ଯେତେବେଳେ ସ୍ୱଳ୍ପ ସୁଧ ହାରରେ ବ୍ୟାଙ୍କଗୁଡିକ ପାଇଁ ଋଣ ଉପଲବ୍ଧ ହୁଏ ଯଥା ରେପୋ ହାର କମ୍, ତେବେ ସେମାନେ ମଧ୍ୟ ଗ୍ରାହକଙ୍କୁ ଶସ୍ତା ଋଣ ଦେଇପାରିବେ। ଏବଂ ଯଦି ରିଜର୍ଭ ବ୍ୟାଙ୍କ ରେପୋ ହାର ବୃଦ୍ଧି କରେ, ତେବେ ବ୍ୟାଙ୍କଗୁଡିକ ଋଣ ହାର ମହଙ୍ଗା କରିବେ ଏବଂ ସେମାନେ ଗ୍ରାହକଙ୍କ ପାଇଁ ଋଣ ମହଙ୍ଗା କରିବେ।

ରେପୋ ରେଟ୍ କ’ଣ?

ରେପୋ ହାରରେ ପରିବର୍ତ୍ତନ ସାଧାରଣ ଜନତାଙ୍କୁ କିପରି ପ୍ରଭାବିତ କରେ, ଏହାକୁ ଏହିପରି ସରଳ ଭାଷାରେ ବୁଝିବାରୁ ହେବଢ ବ୍ୟାଙ୍କଗୁଡିକ ଆମକୁ ଋଣ ଦିଅନ୍ତି ଏବଂ ସେହି ଋଣ ଉପରେ ଆମକୁ ସୁଧ ଦେବାକୁ ପଡିବ। ସେହିଭଳି ବ୍ୟାଙ୍କଗୁଡିକ ମଧ୍ୟ ସେମାନଙ୍କର ଦୈନନ୍ଦିନ କାର୍ଯ୍ୟ ପାଇଁ ବିପୁଳ ପରିମାଣର ଅର୍ଥ ଆବଶ୍ୟକ କରନ୍ତି ଏବଂ ସେମାନେ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ରୁ ଋଣ ନେଇଥାନ୍ତି। ଯେଉଁ ହାରରେ ରିଜର୍ଭ ବ୍ୟାଙ୍କ ଏହି ଋଣ ଉପରେ ସୁଧ ଆଦାୟ କରେ, ଏହାକୁ ରେପୋ ରେଟ୍ କୁହାଯାଏ ।