ଶିକ୍ଷକ ଥିବା ରାଷ୍ଟ୍ରପତି ଦ୍ରୈାପଦୀ ମୁର୍ମୁଙ୍କଠାରୁ ସମ୍ମାନିତ ହେବା ଗୁରୁତ୍ୱପୂର୍ଣ୍ଣ : ମୋଦି

ନୂଆଦିଲ୍ଲୀ: ପ୍ରଧାନମନ୍ତ୍ରୀ  ନରେନ୍ଦ୍ର ମୋଦୀ ଗୁରୁ ଦିବସ ଅବସରରେ ନୂଆଦିଲ୍ଲୀରେ ଜାତୀୟ ପୁରସ୍କାର ପ୍ରାପ୍ତ ଶିକ୍ଷକମାନଙ୍କ ସହ ଆଲୋଚନା କରିଥିଲେ । ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ସର୍ବପଲ୍ଲୀ ରାଧାକ୍ରିଷ୍ଣନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ଏଥିସହ ସେ ଶିକ୍ଷକମାନଙ୍କୁ ମନେ ପକାଇ ଦେଇଛନ୍ତି ଯେ ବର୍ତ୍ତମାନର ଭାରତର ରାଷ୍ଟ୍ରପତି ଦ୍ରୈାପଦୀ ମୁର୍ମୁଙ୍କ ଦ୍ୱାରା ସମ୍ମାନିତ ହେବା ଅଧିକ ଗୁରୁତ୍ୱପୂର୍ଣ୍ଣ । ରାଷ୍ଟ୍ରପତି ଯିଏ କି ଜଣେ ଶିକ୍ଷକ ଥିଲେ ଏବଂ ଓଡିଶାର ଉପାନ୍ତ ଅଂଚଳରେ ମଧ୍ୟ ଶିକ୍ଷାଦାନ କରିଛନ୍ତି । ଆଜି ଯେତେବେଳେ ଦେଶ ଆଜାଦୀ କା ଅମୃତ ମହୋତ୍ସବର ସ୍ୱପ୍ନକୁ ପୂରଣ କରିବା ଆରମ୍ଭ କରିଛି, ସେତେବେଳେ ଶିକ୍ଷା କ୍ଷେତ୍ରରେ ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଉଦ୍ୟମ ଆମ ସମସ୍ତଙ୍କୁ ପ୍ରେରଣା ଯୋଗାଉଛି । ଏହି ଅବସରରେ ମୁଁ ଜାତୀୟ ପୁରସ୍କାର ପ୍ରାପ୍ତ ସମସ୍ତ ଶିକ୍ଷକଙ୍କୁ ଅଭିନନ୍ଦନ ଜଣାଉଛି ବୋଲି ପ୍ରଧାନମନ୍ତ୍ରୀ କହିଛନ୍ତି ।

Interacting with National Award winning teachers. We are grateful to them for shaping young minds. https://t.co/kQwMfzGaEF

— Narendra Modi (@narendramodi) September 5, 2022

ପ୍ରଧାନମନ୍ତ୍ରୀ ଶିକ୍ଷକଙ୍କ ଜ୍ଞାନ ଏବଂ ଉତ୍ସର୍ଗୀକୃତତାକୁ ଆଲୋକପାତ କରି ସୂଚାଇ ଦେଇଛନ୍ତି ଯେ ସେମାନଙ୍କର ସବୁଠାରୁ ବଡ଼ ଗୁଣ ହେଉଛି ଏକ ସକରାତ୍ମକ ଦୃଷ୍ଟିକୋଣ ଯାହା ସେମାନଙ୍କୁ ଛାତ୍ରମାନଙ୍କ ଉନ୍ନତି ପାଇଁ ନିରନ୍ତର କାର୍ଯ୍ୟ କରିବାକୁ ସକ୍ଷମ କରିଥାଏ ।

ସେ ଆହୁରି ମଧ୍ୟ କହିଛନ୍ତି ଯେ ଜଣେ ଶିକ୍ଷକଙ୍କ ଭୂମିକା ହେଉଛି ଜଣେ ବ୍ୟକ୍ତିଙ୍କୁ ଆଲୋକ ଦେଖାଇବା ଏବଂ ସେହିମାନେ ହିଁ ସ୍ୱପ୍ନକୁ ଦେଖାନ୍ତି ଏବଂ ସେହି ସ୍ୱପ୍ନକୁ ସାକାର କରିବାକୁ ଶିଖାନ୍ତି । ୨୦୪୭ ମସିହାର ଭାରତର ରାଜ୍ୟ ଏବଂ ଭାଗ୍ୟ ଆଜିର ଛାତ୍ରମାନଙ୍କ ଉପରେ ର୍ନିଭରଶୀଳ ଏବଂ ଆଜିର ଶିକ୍ଷକମାନେ ସେମାନଙ୍କ ଭବିଷ୍ୟତ ଗଠନ କରୁଛନ୍ତି, ତେଣୁ ଆପଣ ଛାତ୍ରମାନଙ୍କୁ ସେମାନଙ୍କ ଜୀବନ ଗଠନରେ ସାହାଯ୍ୟ କରୁଛନ୍ତି ଏବଂ ଦେଶର ରୂପରେଖକୁ ମଧ୍ୟ ଆକାର ଦେଉଛନ୍ତି ବୋଲି ସେ କହିଛନ୍ତି । ପ୍ରଧାନମନ୍ତ୍ରୀ କହିଛନ୍ତି ଯେ ଯେତେବେଳେ ଜଣେ ଶିକ୍ଷକ ଛାତ୍ରଙ୍କ ସ୍ୱପ୍ନ ସହିତ ଜଡିତ ହୁଅନ୍ତି, ସେତେବେଳେ ସେ ସେମାନଙ୍କର ସମ୍ମାନ ଏବଂ ସ୍ନେହ ପାଇବାରେ ସଫଳତା ହାସଲ କରନ୍ତି ।

ବ୍ରିଟେନକୁ ଅତିକ୍ରମ କରି ବିଶ୍ୱର ୫ମ ବୃହତ୍ତମ ଅର୍ଥନୀତିରେ ପରିଣତ ହେବାରେ ଭାରତର କୃତିତ୍ୱ ବିଷୟରେ ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରାୟ ୨୫୦ ବର୍ଷ ଧରି ଭାରତ ଉପରେ ଶାସନ କରୁଥିବା ଲୋକଙ୍କୁ ଅତିକ୍ରମ କରିବାର ଆନନ୍ଦ ଷଷ୍ଠ ବୃହତ୍ତମରୁ ୫ମ ବୃହତ୍ତମ ଅଥୀନୀତିକୁ ଉନ୍ନୀତ ମାନ୍ୟତା ପରିସଂଖ୍ୟାନକୁ ବଦଳାଇ ଦେଇଛି ।

ଆମେ ହଜାର ହଜାର ବର୍ଷର ଦାସତ୍ୱର ଶିକୁଳି ଭାଙ୍ଗିଛୁ, ଏବଂ ବର୍ତ୍ତମାନ ଆମେ ଏହାକୁ ଅଟକାଇବାକୁ ନାହିଁ । ଆମେ କେବଳ ଆଗକୁ ବଢିବା ବୋଲି ପ୍ରଧାନମନ୍ତ୍ରୀ ଦୋହରାଇଛନ୍ତି । ପ୍ରଧାନମନ୍ତ୍ରୀ ତାଙ୍କ ଅଭିଭାଷଣ ଶେଷ କରିବାବେଳେ ଦେଶର ଶିକ୍ଷକମାନଙ୍କୁ ଭବିଷ୍ୟତର ଭାରତ ପାଇଁ ସମାନ ଆବେଗକୁ ଅନୁକରଣ କରିବାକୁ ଅନୁରୋଧ କରିଥିଲେ ଯାହା ଦ୍ୱାରା ଏହାର ଶକ୍ତି ବହୁଗୁଣିତ ହେବ । ଏହି ଅବସରରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଶିକ୍ଷା ରାଷ୍ଟ୍ର ମନ୍ତ୍ରୀ  ଅନ୍ନପୂର୍ଣ୍ଣା ଦେବୀ ଉପସ୍ଥିତ ଥିଲେ ।