ନୂଆଦିଲ୍ଲୀ: ଚିଲିରେ ଆୟୋଜିତ ଏକ ଟପ ଡିଭିଜନ ଫୁଟବଲ ଲିଗରେ ଗୋଲକିପର ଲିଏଣ୍ଡ୍ରୋ ରିକେନା ଏକ ଅଦ୍ଭୁତପୂର୍ବ ଗୋଲ କରିଛନ୍ତି । ସେ ୧୦୧ ମିଟର ଦୂରତାରୁ ଗୋଲ ସ୍କୋର କରି ସମସ୍ତଙ୍କୁ ଚକିତ କରି ଦେଇଛନ୍ତି । କାହାକୁ ପାସ ନ ଦେଇ ଗୋଟିଏ କିକରେ ସେ ଏହି ଗୋଲ କରିଥିଲେ । କେବ୍ରେସେଲ ଟିମ ଓ କୋଲୋ କୋଲୋ ମଧ୍ୟରେ ଏହି ମୁକାବିଲା ଚାଲିଥିଲା । କେବ୍ରେସେଲ ଟିମ ପକ୍ଷରୁ ଆର୍ଜେଂଟିନାର ଗୋଲକିପର ରିକେନା ଖେଳୁଥିଲେ । ତାଙ୍କରି ଗୋଲ ବଳରେ କେବ୍ରେସେଲ ଟିମ ୩-୧ରେ ବିଜୟ ହାସଲ କରିଥିଲା । ଏହି ଗୋଲ ଗିନିଜ ବୁକ ଅଫ ୱାର୍ଲ୍ଡ ରେକର୍ଡରେ ସ୍ଥାନ ପାଇବ କି ନାହିଁ ସେ ନେଇ ଭେରିଫାଇ ଚାଲିଛି ।
ଚିଲି ଫୁଟବଲ ଫେଡେରେଶନ ବିଧିବଦ୍ଧ ଭାବେ ଏ ନେଇ ଆବେଦନ କରିଛି । ଏବେ ଶେଷ ସୁଦ୍ଧା ନ୍ୟୁପୋର୍ଟ କାଂଉଟି ଟମ କିଙ୍ଗଙ୍କ ନାମରେ ସବୁଠାରୁ ଅଧିକ ଦୂରତାରୁ ଗୋଲ କରିବା ରେକର୍ଡ ରହିଛି । ସେ ୨୦୨୧ରେ ୯୬.୦୧ ମିଟର ଦୂରତାରୁ ଗୋଲ କରିଥିଲେ । ଏହା ବ୍ୟତୀତ ଅସ୍ମିର ବେଗାବିକ (୯୧.୯), ମାଟିୟସ ଡିଟୁରୋ (୯୧.୪), ଟିମ ହୋବାର୍ଡ (୯୧.୪) ଓ ଆଣ୍ଡି ଲୋନେର୍ଗନ (୯୧.୪) ଅଧିକ ଦୂରତାରୁ ଗୋଲ କରିଛନ୍ତି ।
Comments are closed.