କରୋନା ପାଇଁ ବିଧାନସଭା ପ୍ରବେଶ ଉପରେ କଟକଣା

ଭୁବନେଶ୍ୱର: କରୋନା ପାଇଁ ବିଧାନସଭା ପ୍ରବେଶ ଉପରେ ଲାଗିଲା କଟକଣା । ମନ୍ତ୍ରୀ, ବିଧାୟକ ଓ କର୍ମଚାରୀଙ୍କ ବ୍ୟତୀତ ଅନ୍ୟ କେହି ବିଧାନସଭା ଭିତରକୁ ଯିବାକୁ ହେଲେ ବାଚସ୍ପତିଙ୍କ ଠାରୁ ଅନୁମତି ନେବାକୁ ପଡିବ । ଏନେଇ ବାଚସ୍ପତି ସୂର୍ଯ୍ୟନାରାୟଣ ପାତ୍ର ସୂଚନା ଦେଇଛନ୍ତି ।
ସେହିପରି ବିଧାନସଭାର କର୍ମଚାରୀ ଅନ୍ୟ ଚାମ୍ବରକୁ ଯିବା ପାଇଁ ବାରଣ ହୋଇଛି । ଆବଶ୍ୟକ ପଡିଲେ ଅନୁମତି ନେଇ ଯିବେ । କର୍ମଚାରୀମାନେ ବିଧାନସଭାକୁ ପ୍ରବେଶ କରିବା ପୂର୍ବରୁ ହାତ ଗୋଡ ଭଲରେ ଧୋଇବା ପାଇଁ ପରାମର୍ଶ ଦିଆଯାଇଛି । ସେହିପରି କମ୍ପ୍ୟୁଟର ଟେବୁଲ ଓ ଚେୟାର ସଫା ରଖିବାକୁ କୁହାଯାଇଛି ।