ମୁମ୍ବାଇ: କରୋନା ଭାଇରସର ଭୟାବହତାକୁ ଦେଖି ଚାରିଆଡେ ଜାରି ରହିଛି ଲକ ଡାଉନ । ଅତ୍ୟାବଶ୍ୟକ ସାମଗ୍ରୀକୁ ଛାଡି ଦେଲେ ଆଉ ସବୁ କିଛି ବନ୍ଦ ରହିଛି । ଏଭଳି ସ୍ଥିତିରେ ସନ୍ଧ୍ୟାରେ ମଦ ଦୋକାନ ଖୋଲା ରଖିବା ପାଇଁ ସରକାରଙ୍କୁ ଭେଟେରାନ ଅଭିନେତା ରିଷି କପୁର ଅପିଲ କରିଛନ୍ତି ।
Think. Government should for sometime in the evening open all licensed liquor stores. Don’t get me wrong. Man will be at home only what with all this depression, uncertainty around. Cops,doctors,civilians etc… need some release. Black mein to sell ho hi raha hai. ( cont. 2)
— Rishi Kapoor (@chintskap) March 28, 2020
ସେ ନିଜ ଟ୍ୱିଟ୍ର ହ୍ୟାଣ୍ଡେଲ ଟ୍ୱିଟ କରି ଲେଖିଛନ୍ତି ଯେ, ମୋର ସରକାରଙ୍କୁ ଅନୁରୋଧ, ତାଲା ବନ୍ଦ ସମୟରେ ସନ୍ଧ୍ୟାରେ ସମସ୍ତ ଲାଇସେନ୍ସ ପ୍ରାପ୍ତ ମଦ ଦୋକାନ ଖୋଲିବାକୁ ଅନୁମତି ଦିଆଯାଉ । ଲୋକେ ଘରେ ବସି ମାନସିକ ଦୁଶ୍ଚିନ୍ତାର ଶିକାର ହେଉଛନ୍ତି । ଏଭଳି ସ୍ଥିତି ଯଦି ମଦ ଦୋକାନ ଖୋଲା ରହିବ ତେବେ ତାହା ଦୂର ହେବ ବୋଲି ସେ କହିଛନ୍ତି ।
ଏଥିସହ ସେ ଆହୁରି କହିଛନ୍ତି ଯେ, ଡାକ୍ତର, ପୋଲିସ ଏହି ସମୟରେ ରିଲାକ୍ସ ହେବା ଦରକାର । ଏମିତିରେ ବି ମଦ ବ୍ଲାକରେ ବିକ୍ରି କରାଯାଉଛି । ତେବେ ସରକାରଙ୍କ ଅନୁମତିରେ ଯଦି ମଦ ଦୋକାନ ଖୋଲାଯାଏ ତେବେ ଭଲ ହେବ ବୋଲି ସେ କହିଛନ୍ତି ।
ତେବେ ରିଷି କପୁରଙ୍କ ଏଭଳି ଟ୍ୱିଟ୍ କରୁ ଅନେକ ନିନ୍ଦା କରିଛନ୍ତି । ମଦ ଦୋକାନ ଖୋଲିଲେ ସେଠାରେ ଲୋକଙ୍କ ଗହଳି ହେବ । ଏହାଦ୍ୱାରା କରୋନା ସଂକ୍ରମିତ ଦ୍ୱିଗୁଣ ହୋଇପାରେ ବୋଲି ତାଙ୍କ ଫ୍ୟାନମାନେ କହିଛନ୍ତି ।