ଯୁବତୀଙ୍କ ଠାରୁ ଝାମ୍ପିନେଲେ ଟଙ୍କା

ବାଲେଶ୍ୱର : ଯୁବତୀଙ୍କ ଠାରୁ ଲୁଟ୍ । ବାଲେଶ୍ୱର ଗୋପୀନାଥ ମନ୍ଦିର ବଙ୍ଗଳାସାହି ଛକ ନିକଟରେ ଏପରି ଅଘଟଣ ହୋଇଛି । ଏକ ଘରୋଇ ଅର୍ଥ ଲଗାଣକାରୀ ସଂସ୍ଥାର ଜଣେ କର୍ମଚାରୀଙ୍କ ଠାରୁ ଲୁଟ୍ ହୋଇଛି। ଯୁବତୀ ଜଣକ ରେମୁଣା ଶାଖାରେ କାର୍ଯ୍ୟରତ ଅଛନ୍ତି । ସେ ଆଜି ଦ୍ୱିପ୍ରହରେ ମନ୍ଦିରସାହି ଅଞ୍ଚଳରୁ ଗ୍ରାହକଙ୍କ ଠାରୁ ଟଙ୍କା ଉଠାଇ ଫେରୁଥିବା ବେଳେ ପଛପଟୁ ଏକ ବାଇକରେ ତିନି ଜଣ ଯୁବକ ସାମ୍ନାକୁ ଆସି ତାଙ୍କୁ ଅଟାକାଇବାକୁ ଚେଷ୍ଟା କରିବାରୁ ଯୁବତୀ ଜଣକ ତଳେ ପଡ଼ିଯାଇଥିଲେ । ଠିକ୍ ସେହି ସମୟରେ ତାଙ୍କ ସ୍କୁଟି ସହ ୪୪ ହଜାର ଟଙ୍କା ନେଇ ଚମ୍ପଟ ମାରିଥିଲେ ଦୁର୍ବୃତ୍ତ । ଯୁବତୀ ଜଣକ ଅଳ୍ପ ଆହତ ହୋଇ ହସ୍ପିଟାଲରେ ଚିକିତ୍ସତ ହୋଇଛନ୍ତି । ଘଟଣାର ତଦନ୍ତ ପୋଲିସ ଜାରି ରଖିଛି ।