କଲମ୍ବୋ: ଭାରତୀୟ କ୍ରିକେଟ ଟିମର ଅଧିନାୟକ ରୋହିତ ଶର୍ମା ଦିନିକିଆରେ ୫୦ତମ ଅର୍ଦ୍ଧଶତକ ହାସଲ କରିଛନ୍ତି । ପାକିସ୍ତାନ ବିପକ୍ଷ ଏସିଆ କପ ସୁପର ଫୋର ମୁକାବିଲାରେ ସ୍ୱେଏହି କୀର୍ତିମାନ ସ୍ଥାପନ କରିଛନ୍ତି । ଭାରତର ୮ମ ବ୍ୟାଟ୍ସମ୍ୟାନ ଭାବେ ସେ ଏହି ସଫଳତା ହାସଲ କରିଛନ୍ତି । ସେ ୪୯ ବଲରେ ୫୬ ରନ ସଂଗ୍ରହ କରିଥିଲେ । ଏସିଆ କପର ପ୍ରଥମ ମ୍ୟାଚରେ ରୋହିତ ଭଲ ପ୍ରଦର୍ଶନ କରି ନ ଥିଲେ । ସୁପର ୪ରେ ପାକିସ୍ତାନର ଷ୍ଟାର ବୋଲର ଶାହୀନ ଆଫ୍ରିଦିଙ୍କ ପ୍ରଥମ ଓଭରରେ ବିଶାଳ ଛକା ମାରି ଅଭିଯାନ ଆରମ୍ଭ କରିଥିଲେ । ଭାରତ ପକ୍ଷରୁ ସଚିନ ତେନ୍ଦୁଲକର ୯୬ ଅର୍ଦ୍ଧଶତକ ସହ ଏହି ତାଲିକାର ଶୀର୍ଷରେ ରହିଛନ୍ତି ।
ତାଙ୍କ ପଛକୁ ରାହୁଲ ଡ୍ରାଭିଡ (୮୩), ମହେନ୍ଦ୍ର ସିଂ ଧୋନୀ (୭୩), ସୌରଭ ଗାଙ୍ଗୁଲି (୭୨), ବିରାଟ କୋହଲି (୬୨), ମହମ୍ମଦ ଆଝାରୁଦ୍ଦିନ (୫୮) ଓ ଯୁବରାଜ ସିଂ (୫୨) ରହିଛନ୍ତି । ପାକିସ୍ତାନ ବିପକ୍ଷରେ ରୋହିତଙ୍କ ରେକର୍ଡ ଭଲ ରହିଛି । ସେ ନିକଟରେ ଖେଳିଥିବା ୫ଟି ଇନିଂସରେ ୩୭୦ ରନ ସଂଗ୍ରହ କରିଛନ୍ତି । ଏଥିରେ ୨ଟି ଶତକ ଓ ୨ଟି ଅର୍ଦ୍ଧଶତକ ସାମିଲ ।
Comments are closed.