ନୂଆଦିଲ୍ଲୀ: ବର୍ଡର-ଗାଭାସ୍କର ଟ୍ରଫି ପାଇଁ ଟିମ ଇଣ୍ଡିଆ ନଭେମ୍ବର ୧୦ କିମ୍ବା ୧୧ରେ ଅଷ୍ଟ୍ରେଲିଆ ଗସ୍ତରେ ଯିବ । ଏହି ଗସ୍ତରେ ଟିମ ସହିତ ଅଧିନାୟକ ରୋହିଶ ଶର୍ମା ଯିବେ କି ନାହିଁ ସେ ନାହିଁ ସଂଶୟ ଲାଗି ରହିଛି । ବ୍ୟକ୍ତିଗତ କାରଣ ଯୋଗୁ ରୋହିତ ଆଉ କିଛି ଦିନ ପରେ ଅଷ୍ଟ୍ରେଲିଆ ଗସ୍ତରେ ଯାଇପାରନ୍ତି । ରିପୋର୍ଟ ମୁତାବକ ରୋହିତ ଅଷ୍ଟ୍ରେଲିଆ ବିପକ୍ଷ ପ୍ରଥମ ୨ଟି ଟେଷ୍ଟରେ ଖେଳି ନ ପାରନ୍ତି । ଅନ୍ୟ ଏକ ରିପୋର୍ଟ ଅନୁସାରେ ରୋହିତ ଦ୍ୱିତୀୟ ଥର ପାଇଁ ବାପା ହେବାକୁ ଯାଉଛନ୍ତି । ସେଥିପାଇଁ ସେ ପରିବାର ସହିତ ଏହି ସମୟରେ ରହିବାକୁ ଚାହୁଁଛନ୍ତି ।
ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜ ହାରିବା ପରେ ରୋହିତ କହିଥିଲେ, ମୁଁ ନିଜେ ମଧ୍ୟ ଜାଣିନି ଅଷ୍ଟ୍ରେଲିଆ ଗସ୍ତରେ ଯିବ କି ନାହିଁ । ବର୍ଡର-ଗାଭାସ୍କର ଟ୍ରଫି ନଭେମ୍ବର ୨୨ରୁ ପର୍ଥରେ ଆରମ୍ଭ ହେବ । ରୋହିତ ନ ଗଲେ ତାଙ୍କ ସ୍ଥାନରେ ଅଭିମନ୍ୟୁ ଈଶ୍ୱରନ କିମ୍ବା କେଏଲ ରାହୁଲ ଓପିନଂ କରିପାରନ୍ତି । ସେହିପରି ଯଶପ୍ରୀତ ବୁମରାହ ଯେତେଦୂର ସମ୍ଭବ ଅଧିନାୟକ ଦାୟିତ୍ୱ ତୁଲାଇବେ । ସୋମବାର ଏ ସମ୍ପର୍କରେ ସଠିକ ତଥ୍ୟ ହସ୍ତଗତ ହେବ ବୋଲି ଆଶା କରାଯାଉଛି ।
Comments are closed.