ଈଶ୍ୱରୀ
ଶୀତରାତି ଲାଗେ ବଡ଼ ନିଛାଟିଆ
ସଞ୍ଜ ଗଡ଼ିଗଲା ପରେ
ତୁମ ଆସିବାର ଠିକଣା ନଥାଏ
ତଥାପି ଏ ମନ ଝୁରେ।।
କୁଆଁରୀ କୁମୁଦ ଚାନ୍ଦ-ପ୍ରେମାମୃତ
ଜୋଛନାର ପରଶରେ
ପ୍ରିୟର କୋଳରେ ମଧୁ-ଆଲିଙ୍ଗନେ
ପ୍ରସ୍ଫୁଟିତ ସରସୀରେ।।
ଗାଆଁରୁ ସହର ଶୀତର ଚାଦର
ତନୁମନେ ଭରାପ୍ରୀତି
ଚଉଷଠି ମୁଦ୍ରାଚ୍ଛନ୍ନେ ମହୀ ଦେଖି
ଭ୍ରମିତ ଯେ ଯତି-ମତି।।
ଆଖି ଖୋଜିହୁଏ ତୁମ ସ୍ଵରୂପକୁ
ମନ ଭିଜେ ପ୍ରୀତିଧାରେ
ଶୀତରାତି ସେ କି ଧାରୁଆ କରତ
କାଟେ ମତେ ନୀରବରେ।।
ସୋର, ବାଲେଶ୍ଵର
Comments are closed.