‘ପ୍ୟାର କରୋନା’ରେ ସଲମାନଙ୍କ ସଚେତନତା ବାର୍ତ୍ତା, ଭିଡିଓ ଭାଇରାଲ

ମୁମ୍ବାଇ: ଏବେ କରୋନା କବଳରେ ସମଗ୍ର ଦେଶ । ମହାମାରୀ କରୋନା ନ ବ୍ୟାପିବା ପାଇଁ ପୁରା ଦେଶକୁ ଲକଡାଉନ୍ କରାଯାଇଛି । ଏହି ସମୟରେ ଅନେକ ସେଲିବ୍ରିଟ୍ ସହାୟତାର ହାତ ବଢ଼ାଇବା ପାଇଁ ଆଗକୁ ଆସିଛନ୍ତି । ଆଉ ଏଥିରୁ ପଛରେ ପଡି ନାହାନ୍ତି ବଲିଉଡର ଭାଇଜାନ୍ ସଲମାନ ଖାନ୍ ।

ସଲମାନଙ୍କ ନୂଆ ଗୀତ ‘ପ୍ୟାର୍ କରୋନା’ ରିଲିଜ ହୋଇଛି । ଏହି ଗୀତରେ ଦେଶବାସୀଙ୍କୁ ସଲମାନ ଏକ ସଚେତନତା ବାର୍ତ୍ତା ଦେଇଛନ୍ତି । ଏହି ସଂକଟ ସମୟରେ ସମସ୍ତେ ସ୍ନେହ ପ୍ରେମରେ ବଂଚିବା ପାଇଁ ବାର୍ତ୍ତା ଦେଇଛନ୍ତି ଭାଇଜାନ ।
ଏଥିସହ ଏହି ଗୀତରେ ଦେଶ ଭକ୍ତିର ରଙ୍ଗ ମଧ୍ୟ ଦେଖିବାକୁ ମିଳିଛି । ଏହି ଗୀତରେ ସଲମାନ ଖାନ୍ ନିଜେ ରାପ୍ କରିଛନ୍ତି । ଗୀତଟି ସଲମାନଙ୍କ ନୂଆ ୟୁଟୁ୍ୟବ୍ ଚ୍ୟାନେଲ୍ ‘ବିଂଗ ସଲମାନ ଖାନ୍’ରେ ରିଲିଜ ହୋଇଛି । ଗୀତଟି ରିିଲିଜ ହେବାର କିଛି ଘଂଟା ମଧ୍ୟରେ ହିଁ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।