ନୂଆଦିଲ୍ଲୀ: ଚଳିତ ଆଇପିଏଲରେ ଲକ୍ଷ୍ନୌ ସୁପର ଜ୍ୟାଂଟସର ମାଲିକ ସଞ୍ଜୀବ ଗୋୟନକା ଓ କ୍ରିକେଟର କେଏଲ ରାହୁଲଙ୍କ ମଧ୍ୟରେ ଉପୁଜିଥିବା ବେଶ ଚର୍ଚ୍ଚାର କାରଣ ସାଜିଥିଲା । ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚରେ ଲକ୍ଷ୍ନୌ ଶୋଚନୀୟ ଭାବେ ପରାଜିତ ହେବା ପରେ ରାହୁଲଙ୍କ ଉପରେ ସଞ୍ଜୀବ ବିରକ୍ତ ହେଉଥିବା ଦେଖିବାକୁ ମିଳିଥିଲା । ଯାହାକୁ ନେଇ ପ୍ରଶଂସକଙ୍କ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା । ଏପରିକି ପୂର୍ବତନ କ୍ରିକେଟରମାନେ ମଧ୍ୟ ଫ୍ରାଂଚାଇଜର ମାଲିକ ସିଧାସଳଖ ଖେଳାଳିଙ୍କ ପ୍ରତି ଏ ଭଳି ପ୍ରଦର୍ଶନ କ୍ରିକେଟ ପ୍ରତି ଶୁଭ ନୁହେଁ ବୋଲି କହିଥିଲେ ।
ଏବେ ଦିଲ୍ଲୀର ଏକ ନୈଶ୍ୟଭୋଜି କାର୍ଯ୍ୟକ୍ରମରେ ରାହୁଲଙ୍କୁ ସଞ୍ଜୀବ କୁଣ୍ଢେଇ ପକାଉଥିବା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । ରାହୁଲଙ୍କୁ ମଧ୍ୟ ହସ ହସ ମୂହଁରେ ଦେଖିବାକୁ ମିଳିଥିଲା । ଲକ୍ଷ୍ନୌ ଟିମ ୧୨ ମ୍ୟାଚରେ ୧୨ ପଂଏଟ ହାସଲ କରି ପ୍ଲେ ଅଫ ପ୍ରବେଶ ପାଇଁ ସଂଘର୍ଷ କରୁଛି । ବାକି ୨ଟି ମ୍ୟାଚ ଜିତିଲେ ଦଳ ପ୍ଲେ ଅଫରେ ପ୍ରବେଶ କରିପାରିବ ।
Comments are closed.