ଭୁବନେଶ୍ୱର: ଚଳିତ ସନ୍ତୋଷ ଟ୍ରଫି ଫୁଟବଲରେ ଓଡିଶା ପ୍ରଭାବୀ ପ୍ରଦର୍ଶନ ଜାରି ରଖି ଫାଇନାଲ ରାଉଣ୍ଡକୁ ଉନ୍ନୀତ ହୋଇଛି । ଶନିବାର ଏକ ସମ୍ପୂର୍ଣ୍ଣ ଏକତରଫା ମ୍ୟାଚରେ ଓଡିଶା ୪-୧ ଗୋଲରେ ଛତିଶଗଡକୁ ପରାସ୍ତ କରିଥିଲା । ୪ର୍ଥ ମିନିଟରେ ଜିତୁ ମୁଦୁଲି ଓଡିଶା ପକ୍ଷରୁ ପ୍ରଥମ ଗୋଲ ସ୍କୋର କରିଥିଲେ । ଏହା ପରେ କାର୍ତିକ ହନ୍ତାଳ ୩୯ ଓ ୫୩ତମ ମିନିଟରେ ୨ଟି ଗୋଲ ଦେଇ ଓଡିଶାକୁ ୩-୦ରେ ଅଗ୍ରଣୀ କରାଇଥିଲେ । ରୋଶନ ପାନ୍ନା ୫୫ତମ ମିନିଟରେ ଦଳ ପକ୍ଷରୁ ଚତୁର୍ଥ ଗୋଲ ଦେଇଥିଲେ ।
ଅଭିଷେକ କୁଞ୍ଜମ ୮୪ତମ ମିନିଟରେ ବିପକ୍ଷ ଦଳ ପକ୍ଷରୁ ଏକମାତ୍ର ଗୋଲଟି ଦେଇଥିଲେ । ଏହା ପୂର୍ବରୁ ଗୁରୁବାର ଓଡିଶା ୬-୧ ଗୋଲରେ ଛତିଶଗଡକୁ ପରାସ୍ତ କରିଥିଲା । ଗ୍ରୁପ ଏଫରେ ଓଡିଶା ୬ ପଂଏଟ ସହ ଶୀର୍ଷ ସ୍ଥାନରେ ରହି ପରବର୍ତୀ ପର୍ଯ୍ୟାୟକୁ ଉନ୍ନୀତ ହୋଇଛି । ଓଡିଶା ୧୦ଟି ଗୋଲ ଦେଇଥିବା ବେଳେ ୨ଟି ଗୋଲ ଖାଇଛି । ଏହି ଟୁର୍ଣ୍ଣାମେଂଟରେ ଓଡିଶାର ଯୁବ ଖେଳାଳିଙ୍କ ପ୍ରଦର୍ଶନ ପ୍ରଶଂସନୀୟ ରହିଛି ।