ମୁମ୍ବାଇ: ଫିଲ୍ମ ‘ବୃଷଭ’କୁ ନେଇ ଦକ୍ଷିଣୀ ଅଭିନେତ୍ରୀ ସାନ୍ୟା କପୁର ଚର୍ଚ୍ଚାରେ । ଏହି ନାରୀକୈନ୍ଦ୍ରିକ ଫିଲ୍ମରେ ସାନ୍ୟା ମୁଖ୍ୟ ଚରିତ୍ରରେ ଅଭିନୟ କରୁଛନ୍ତି । ସେ ଏହି ଫିଲ୍ମରେ ମୋହନଲାଲଙ୍କ ବିପକ୍ଷରେ ନାୟିକା ସାଜିଛନ୍ତି । ସାନ୍ୟା ହେଉଛନ୍ତି ଅଭିନେତା ସଞ୍ଜୟ କପୁରଙ୍କ ଝିଅ । ନିକଟରେ ସାନ୍ୟା ସୁଟିଂ ସମୟର କେତେକ ଫଟୋ ସୋସିଆଲ୍ ମିଡିଆରେ ସେୟାର କରିଛନ୍ତି । ଏଥିରେ ସେ ମୋହନଲାଲଙ୍କ ଅଭିନୟର ଯାଦୁ ସମ୍ପର୍କରେ ବର୍ଣ୍ଣନା କରିଛନ୍ତି ।
ଅଭିନେତ୍ରୀ ସାନ୍ୟା ଧର୍ମା ପ୍ରଡକ୍ସନର ଫିଲ୍ମ ‘ବେଧଡ଼କ’ ଜରିଆରେ ଫିଲ୍ମ ଦୁନିଆରେ ପ୍ରବେଶ କରିଥିଲେ । ଏବେ ‘ବୃଷଭ’ରେ ମୋହନଲାଲଙ୍କ ବିପକ୍ଷରେ ନାୟିକା ସାଜି ପୁଣିଥରେ ଚର୍ଚ୍ଚାକୁ ଆସିଛନ୍ତି । ଆସନ୍ତାବର୍ଷ ମୁକ୍ତିଲାଭ କରିବାକୁ ଥିବା ଏହି ଫିଲ୍ମଟି ଦେଶର ସବୁଠୁ ବିଗ୍ ବଜେଟ୍ର ଫିଲ୍ମ ବୋଲି କୁହାଯାଉଛି । ଫିଲ୍ମ ‘ବୃଷଭ’ର କାହାଣୀ ବିଷୟରେ ସାନ୍ୟା କହିଛନ୍ତି ଯେ, ଏହାର କାହାଣୀ ଖୁବ୍ ଆକର୍ଷଣୀୟ, ଯାହାକି ଯୁବବର୍ଗଙ୍କୁ ନିଶ୍ଚିତଭାବେ ଆକୃଷ୍ଟ କରିବ । ଏଥିରେ ଜରହା ଏସ୍. ଖାନ୍ ଓ ରୋଶନ୍ ମେକା ମଧ୍ୟ ସହ କଳାକାର ଭାବେ ଅଭିନୟ କରୁଛନ୍ତି । ଏହି ଫିଲ୍ମରେ ନିର୍ଦ୍ଦେଶନା ଦେଉଛନ୍ତି ନନ୍ଦକିଶୋର । ଫିଲ୍ମ ‘ବୃଷଭ’ ତେଲୁଗୁ, ମାଳୟାଲମ, ହିନ୍ଦୀ, କନ୍ନଡ଼ ଓ ତାମିଲ ଭାଷାରେ ନିର୍ମିତ ହେଉଛି ।
Comments are closed.