ମୁମ୍ବାଇ: ବଲିଉଡ ଅଭିନେତା କାର୍ତ୍ତିକ ଆରୟନ ଏବଂ ଅଭିନେତ୍ରୀ କିଆରା ଆଡଭାନୀଙ୍କ ଫିଲ୍ମ ‘ସତ୍ୟପ୍ରେମ କି କଥା’ ଗୁରୁବାର ରିଲିଜ୍ ହୋଇଛି । ରିଲିଜ୍ର ପ୍ରଥମ ଦିନରେ ଫିଲ୍ମଟି ଦର୍ଶକଙ୍କ ମନ କିଣିଥିବା ଦେଖିବାକୁ ମିଳିଛିି । ଏହି ଫିଲ୍ମଟି ଏକ ପ୍ରେମ କାହାଣୀ ଉପରେ ଆଧାରିତ । ‘ଭୁଲ ଭୁଲେଆ ୨’ପରେ କାର୍ତ୍ତିକ ଓ କିଆରାଙ୍କ ଯୋଡ଼ିକୁ ଲୋକେ ଖୁବ୍ ପସନ୍ଦ କରିଛନ୍ତି । ଏହି ଯୋଡ଼ି ବଡ଼ ପରଦାରେ ହଇଚଇ ସୃଷ୍ଟି କରିଛନ୍ତି ।
ଏହି ଚଳଚ୍ଚିତ୍ରର ବିଶେଷ କଥା ହେଉଛି ଫିଲ୍ମରେ ଏକ ସ୍ୱତନ୍ତ୍ର ବାର୍ତ୍ତା ଦିଆଯାଇଛି, ଯେଉଁଥିପାଇଁ ଫିଲ୍ମକୁ ଦେଖିବାକୁ ଦର୍ଶକଙ୍କ ଉତ୍ସାହ ବଢ଼ିଛି । ଏହି ଫିଲ୍ମକୁ ସୋସିଆଲ ମିଡିଆରେ ବି ଦର୍ଶକ ଖୁବ୍ ପ୍ରଶଂସା କରୁଛନ୍ତିି । କିଛି ଲୋକ ଏହି ଫିଲ୍ମକୁ ବ୍ଲକବଷ୍ଟର ହିଟ୍ ବୋଲି କହୁଥିବା ବେଳେ କେହି କେହି ଏହି ଯୋଡ଼ିକୁ ପ୍ରଶଂସା କରିଛନ୍ତି । ଏହି ଫିଲ୍ମର ଲୋକପ୍ରିୟତାକୁ ଦେଖି ଏହା ବକ୍ସ ଅଫିସରେ ଭଲ ବ୍ୟବସାୟ କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି ।
Comments are closed.