ନୂଆଦିଲ୍ଲୀ: ଭାରତୀୟ କ୍ରିକେଟ ଟିମର ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ ବୀରେନ୍ଦ୍ର ସେହ୍ୱାଗଙ୍କ ବ୍ୟାଟିଂ ଏବେ ବି ପ୍ରଶଂସକଙ୍କ ମନରୁ ଲିଭି ନାହିଁ । ଏବେ ତାଙ୍କର ଦୁଇ ପୁଅ ଆର୍ଯ୍ୟବୀର ଓ ବେଦାନ୍ତ ଧିରେ ଧିରେ ସେମାନଙ୍କ ପାଦ ଥାପୁଛନ୍ତି । ନିକଟରେ ୧୯ ବର୍ଷରୁ କମ କୁଚ ବିହାର ଟ୍ରଫିରେ ଆର୍ଯ୍ୟବୀର ୨୯୭ ରନର ଇନିଂସ ଖେଳି ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଥିଲେ । ଏବେ ସାନପୁଅ ବେଦାନ୍ତ ୧୬ ବର୍ଷରୁ କମ ଦିଲ୍ଲୀ ଟିମରେ ପ୍ରଭାବୀ ପ୍ରଦର୍ଶନ ଜାରୀ ରଖିଛନ୍ତି । ବିଜୟ ମର୍ଚ୍ଚାଂଟ ଟ୍ରଫିରେ ସେ ୫ ମ୍ୟାଚରେ ୨୪ ୱିକେଟ ନେଇ ପ୍ରଭାବିତ କରିଛନ୍ତି ।
ସେ ଭଲ ସ୍ପିନ ବୋଲିଂ କରିବା ସହ ବ୍ୟାଟିଂରେ ଭଲ ଉପଯୋଗୀ ପ୍ରଦର୍ଶନ କରୁଛନ୍ତି । ସେହ୍ୱାଗ ତାଙ୍କ ଦୁଇ ପୁଅଙ୍କ ପ୍ରଦର୍ଶନ ଉପରେ ତୀକ୍ଷଣ ନଜର ରଖିଛନ୍ତି । ଖୁବ ଶୀଘ୍ର ଘରୋଇ କ୍ରିକେଟ ବ୍ୟତୀତ ଆଇପିଏଲରେ ମଧ୍ୟ ଏମାନେ ନିଜ ଉପସ୍ଥିତ ଜାହୀର କରିବାକୁ ଯାଉଛନ୍ତି । ସୋସିଆଲ ମିଡିଆରେ ସେହ୍ୱାଗ ତାଙ୍କ ପୁଅକୁ ଶୁଭେଚ୍ଛା ଜଣାଇଛନ୍ତିି ।