ଦିଲ୍ଲୀ : ପରଲୋକରେ ବରିଷ୍ଠ ସାମ୍ବାଦିକ ରବିଶ ତିୱାରୀ । ଶୁକ୍ରବାର ବିଳମ୍ବିତ ରାତିରେ ତାଙ୍କର ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୪୦ ବର୍ଷ ବୟସ ହୋଇଥିଲା । ରବିଶ ତିୱାରୀ ଜଣେ ବରିଷ୍ଠ ସାମ୍ବାଦିକ ତଥା ଇଣ୍ଡିଆନ ଏକ୍ସପ୍ରେସର ନ୍ୟାସନାଲ ବ୍ୟୁରୋ ଚିଫ୍ ଥିଲେ । ରବିଶ ତିୱାରୀଙ୍କ ମୃତ୍ୟୁ ନେଇ ତାଙ୍କ ବନ୍ଧୁ ତଥା ବରିଷ୍ଠ ସାମ୍ବାଦିକ ବିକାଶ ଭଦୌରିଆ ଟ୍ୱିଟ କରି ସୂଚନା ଦେଇଛନ୍ତି ।
ତାଙ୍କ ବିୟୋଗରେ ପ୍ରଧାନମନ୍ତ୍ରୀ ମୋଦି, ରାଷ୍ଟ୍ରପତି ରାମନାଥ କୋବିନ୍ଦ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ ଯୋଗେ ଦୁଃଖ ପ୍ରକାଶ କରିଛନ୍ତି ।ରାଷ୍ଟ୍ରପତି ଦୁଃଖ ପ୍ରକାଶ କରି କହିଛନ୍ତି, ରବିଶ ଜଣେ ଜଣାଶୁଣା ସାମ୍ବାଦିକ ଥିଲେ ।ରିପୋର୍ଟିଂରେ ମଧ୍ୟ ସେ ପ୍ରବୀଣ ଥିଲେ । ତାଙ୍କର ଅଚାନକ ବିୟୋଗ ବିଷୟ ସୋସିଆଲ ମିଡିଆରୁ ଖବର ପାଇବା ପରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ।ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି ରାଷ୍ଟ୍ରପତି।
ପ୍ରଧାନମନ୍ତ୍ରୀ ମୋଦି ମଧ୍ୟ ରବିଶଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି । ତାଙ୍କ ବିୟୋଗରେ ଗଣମାଧ୍ୟମର ଏକ ଉଜ୍ୱଳ କ୍ୟାରିଅର ଶେଷ ହୋଇଛି ବୋଲି ବୋଲି ଟ୍ୱିଟ କରି କହିଛନ୍ତି । ତାଙ୍କ ଦ୍ୱାରା ପ୍ରକାଶ ପାଉଥିବା ଖବରକୁ ମୁଁ ପଢିବାକୁ ଭଲ ପାଏ । ତାଙ୍କ ସହ କଥା ମଧ୍ୟ ହୋଇଛି । ସେ ଜଣେ ବିନମ୍ର ବ୍ୟକ୍ତିତ୍ୱ ଥିଲୋ । ତାଙ୍କ ପରିବାରକୁ ସମବେଦନା ଜଣାଇଛନ୍ତି ମୋଦି ।
ରବିଶଙ୍କ ବିୟୋଗରେ ଟ୍ୱିଟ କରି ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସ୍ୱର୍ଗତ ରବିଶଙ୍କ ପରିବାରକୁ ଟ୍ୱିଟ କରି ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ।
ଜଣେ ମହାନ୍ ବ୍ୟକ୍ତିତ୍ୱଙ୍କର ଅବଶାନ ଘଟିଛି ।ଏନେଇ ବିଭିନ୍ନ ମହଲେର ଶୋକର ଛାୟା ଖେଳିଯାଇଛି । ଆଜି ଅପରାହ୍ନ ୩.୩୦ ସମୟରେ ଗୁରୁଗ୍ରାମ ରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ।
Comments are closed.