ଭୁବନେଶ୍ୱର: ଲକ୍ଷ୍ନୌରେ ଅନୁଷ୍ଠିତ ଆନ୍ତଃଜୋନ ସିନିୟର ମହିଳା ଟି୨୦ରେ ପୂର୍ବାଂଚଳ ଦଳ ଚାମ୍ପିୟନ ହୋଇଛି । ଏହି ଚାମ୍ପିୟନ ଟିମ ପକ୍ଷରୁ ଓଡିଶାର ଦୁଇ ଷ୍ଟାର ଖେଳାଳି ମାଧୂରୀ ମେହେଟ୍ଟା ଓ ସୁଶ୍ରୀ ଦିବ୍ୟଦର୍ଶନୀ ପ୍ରତିନିଧିତ୍ୱ କରିଥିଲେ । ସେମାନଙ୍କ ପ୍ରଭାବୀ ପ୍ରଦର୍ଶନ ନେଇ ଓଡିଶା କ୍ରିକେଟ ଆସୋସିଏଶନ ପକ୍ଷରୁ ଅଭିନନ୍ଦନ ଜଣାଯାଇଛି । ଏହି ଟିମର ଫିଜିଓ ଭାବେ ଓଡିଶାର ଜୁରୀ ଦତ ଦାୟିତ୍ୱ ତୁଲାଇଥିଲେ । ଓସିଏ ସଭାପତି ପ୍ରଣବ ପ୍ରକାଶ ଦାସ, ସମ୍ପାଦକ ସଞ୍ଜୟ ବେହେରା ଓ ଅନ୍ୟ ଅଧିକାରୀମାନେ ଖେଳାଳିମାନଙ୍କୁ ଭଲ ପ୍ରଦର୍ଶନ ନେଇ ଅଭିନନ୍ଦନ ଜଣାଇଛନ୍ତି ।
ପଶ୍ଚିମାଂଚଳ ବିପକ୍ଷ ଫାଇନାଲ ମ୍ୟାଚ ବର୍ଷା ଯୋଗୁ ବାତିଲ ହେବା ଫଳରେ ଗ୍ରୁପ ପର୍ଯ୍ୟାୟରେ ଭଲ ପ୍ରଦର୍ଶନ ନେଇ ପୂର୍ବାଂଚଳକୁ ଚାମ୍ପିୟନ ଘୋଷିତ କରା ଯାଇଥିଲା । ପଶ୍ଚିମାଂଚଳ ବିପକ୍ଷ ଫାଇନାଲ ମ୍ୟାଚ ବର୍ଷା ଯୋଗୁ ବାତିଲ ହେବା ଫଳରେ ଗ୍ରୁପ ପର୍ଯ୍ୟାୟରେ ଭଲ ପ୍ରଦର୍ଶନ ନେଇ ପୂର୍ବାଂଚଳକୁ ଚାମ୍ପିୟନ ଘୋଷିତ କରା ଯାଇଥିଲା । ପୂର୍ବାଂଚଳ ଲିଗରେ ପଶ୍ଚିମାଂଚଳ, ଉତରପୂର୍ବାଂଚଳ, ଉତରାଂଚଳ ଓ ଦକ୍ଷିଣାଚଂଳକୁ ପରାସ୍ତ କରିଥିବା ବେଳେ କେନ୍ଦ୍ରାଚଂଳ ବିପକ୍ଷ ମ୍ୟାଚ ବର୍ଷା ଯୋଗୁ ଖେଳା ଯାଇପାରି ନ ଥିଲା ।
Comments are closed.