ବୌଦ୍ଧ: ଛତିଶଗଡ ରାୟପୁରର ଏକ ଘରୋଇ କମ୍ପାନୀରେ କାର୍ଯ୍ୟରତ ଖୋର୍ଦ୍ଧା ଜିଲ୍ଲା ଭାପୁର ଅଞ୍ଚଳର ୭ ପ୍ରବାସୀ ଓଡିଆ ଗୁରୁବାର ସନ୍ଧ୍ୟାରେ ନିଜ ସାଇକେଲରେ ଘର ଅଭିମୁଖେ ବାହାରିଛନ୍ତି।
ଗଣମାଧ୍ୟମକୁ ସୂଚନା ଦେଇ ପ୍ରବାସୀ ଶ୍ରମିକମାନେ କହିଛନ୍ତି ଯେ କୋଭିଡ-୧୯ର ବିସ୍ତାର କୁ ରୋକିବା ଲାଗି ଦେଶବ୍ୟାପୀ ଜାରି ଲକଡାଉନ ପାଇଁ କମ୍ପାନୀ ବନ୍ଦ ରହିଥିଲା।
କମ୍ପାନୀ ଦୁଇ ମାସର ବେତନ ଦେଇନଥିବାରୁ ଆମ ପାଖରେ ରହିବା ପାଇଁ ଟଙ୍କା ନଥିଲା। ଯାହା ଫଳରେ ଆମେ ସାଇକେଲ ଯୋଗେ ରାୟପୁରରୁ ସେ ୧୮ରେ ଘରକୁ ଆସିବା ପାଇଁ ବାହାରିଥିଲୁ।
ସେମାନେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ, ଆମେ ସାଇକେଲରେ ବିଭିନ୍ନ ଜିଲ୍ଲା ଅତିକ୍ରମ କରି ଆସିଥିବା ବେଳେ ପ୍ରଶାସନ ପକ୍ଷରୁ ଖାଦ୍ୟ କିମ୍ବା ଆଶ୍ରୟସ୍ଥଳର କୌଣସି ବ୍ୟବସ୍ଥା କରାଯାଇନଥିଲା।
ତେବେ ଶୁକ୍ରବାର ଦିନ ସେମାନେ ଚାରିଛକ-ଦଶପଲା-ନୟାଗଡ଼ ଦେଇ ଖୋର୍ଦ୍ଧାରେ ପହଞ୍ଚିବେ ବୋଲି ଆଶା କରାଯାଉଛି।
Comments are closed.