ଦିଲ୍ଲୀ : ଶେଖର ମେହେତା ରୋଟାରୀ ଇଣ୍ଟରନାସନାଲର ନୂଆ ସଭାପତି ଭାବେ ନିଯୁକ୍ତ ହୋଇଛନ୍ତି । ରିଅଲ ଇଷ୍ଟେଟ କମ୍ପାନୀ ସ୍କାଇଲାଇନର ଅଧ୍ୟକ୍ଷ ତଥା ରୋଟାରୀ କ୍ଲବ ଅଫ କୋଲକାତା ମହାନଗରର ସଦସ୍ୟ ଶେଖର ମେହେତା । ଶ୍ରୀ ମେହତାଙ୍କୁ ୧୧୧ ତମ ରୋଟାରୀ ଇଣ୍ଟରନାାସନାଲର ସଭାପତି ଭାବେ ଏକ ବର୍ଷ ପାଇଁ ନିଯୁକ୍ତି କରାଯାଇଛି । ୪ର୍ଥ ଭାରତୀୟ ଭାବେ ୧୧୬ ବର୍ଷ ପୁରୁଣା ସେବା ସଂଗଠନର ନେତୃତ୍ବ ନେବେ । ସେ ୨୦୨୧-୨୨ ବର୍ଷ ପାଇଁ ଏହି ପଦରେ ରହିବେ ।
ମୁଖ୍ୟତଃ ବାଳିକା ମାନଙ୍କ ପାଇଁ ଶିକ୍ଷା , ସ୍ବାସ୍ଥ୍ୟ ଓ ସମ୍ବଳ ପହଞ୍ଚାଇବେ । ତା ସହିତ ସେମାନଙ୍କୁ ସଶକ୍ତ କରିବା ସହିତ ସୁରକ୍ଷା ନିରାପତ୍ତା ପାଇଁ କାର୍ଯ୍ୟ କରିବେ । ଗତ ବର୍ଷ ୨୦୨୦ରେ କୋଭିଡ ମୁକାବିଲାରେ ରୋଟାରୀ ଗ୍ରହଣ କରିଥିବା ପଦକ୍ଷେପରେ ଶ୍ରୀ ମେହେତା ପ୍ରମୁଖ ଭୂମିକା ଗ୍ରହଣ କରିଥିଲେ । ବିଗତ ୧୦୦ ବର୍ଷରେ ଭାରତରେ ରୋଟାରୀରେ ୪୦୦୦ କ୍ଲବ ସ୍ଥାପନା ସହ ୧.୫ ଲକ୍ଷ ରୋଟାରିଆନ ଭାବେ ସଦସ୍ୟତା ଗ୍ରହଣ କରିଛନ୍ତି ।
ରୋଟାରୀ ଫାଉଣ୍ଡେସନ ତରଫରୁ ଆଗାମୀ ଦିନରେ ଭାରତ ସରକାରଙ୍କ ସହ ମିଶି ବିଭିନ୍ନ ସାମାଜିକ ଦାୟିତ୍ବବୋଧ କାର୍ଯ୍ୟକ୍ରମ କରାଯିବ ବୋଲି ଶ୍ରୀ ମେହେତା ପ୍ରତିଶ୍ରୁତି ପ୍ରଦାନ କରିଛନ୍ତି । ତା ସହିତ ସାରା ବିଶ୍ବରୁ ପୋଲିଓର ମୂଳୋତ୍ପାଟନ କରିବାକୁ ଲକ୍ଷ୍ୟ ରହିଛି । ସବୁଠୁ ବଡ଼ କଥା ହେଲା ଲିଟଲ୍ ହାର୍ଟସ୍ ସେଭ୍ ପଦକ୍ଷେପ ବହୁତ୍ ପିଲାଙ୍କ ଜୀବନ ରକ୍ଷା କରିଛି । ଦକ୍ଷିଣ ଏସିଆରେ ଜନ୍ମ ଆଉ ହୃଦଘାତରେ ପୀଡ଼ିତ ୨୫୦୦ରୁ ଅଧିକ ପିଲାମାନଙ୍କର ସର୍ଜରି କରାଇଛନ୍ତି ।
୨୦୦୪ ରେ ଭାରତ ମହାସାଗରରେ ସୁନାମୀ ପରେ ପୁନରୁଦ୍ଧାର କାର୍ଯ୍ୟରେ ପ୍ରମୁଖ ଭୂମିକା ଗ୍ରହଣ କରିଛନ୍ତି । ଏହି ଅବସରରେ କୋଲକାତା ସ୍ଥିତ ବାସଭବନରେ ଶ୍ରୀ ମେହେତାଙ୍କୁ ଶୁଭେଚ୍ଛା ଜଣାଇବା ସହ ଓଡିଶାରେ କୋଉ ସବୁ ପ୍ରକଲ୍ପ ଚାଲୁଛି ତାହା ସମ୍ପର୍କରେ ଆଲୋଚନା କରାଯାଇଥିଲା ।।
Comments are closed.