ସିଦ୍ଧି: ମଧ୍ୟପ୍ରଦେଶର ସିଦ୍ଧି ଜିଲ୍ଲାରେ ଆଦିବାସୀ ଦଶମତ ରାୱତଙ୍କ ଉପରେ ବିଜେପି କାର୍ଯ୍ୟକର୍ତା ପରିଶ୍ରା କରିବା ଘଟଣା ସାରା ଦେଶରେ ହଇ ଚଇ ସୃଷ୍ଟି କରିଥିଲା । ଏହାର ଭିଡିଓ ଭାଇରାଲ ହେବା ପରେ ବିରୋଧୀମାନେ ସିଧାସଳଖ ବିଜେପି ଓ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହ୍ୱାନଙ୍କୁ ଟାର୍ଗେଟ କରିଥିଲେ । ଗୁରୁବାର ପୀଡିତ ଦଶମତଙ୍କୁ ମୁଖ୍ୟମନ୍ତ୍ରୀ ଆବାସକୁ ନିମନ୍ତ୍ରଣ କରାଯାଇଥିଲା । ସେଠାରେ ଶିବରାଜ ତାଙ୍କ ପାଦ ଧୋଇ ସମ୍ମାନୀତ କରିବା ସହ କ୍ଷମା ପ୍ରାର୍ଥନା କରିଥିଲେ । ଦଶମଥଙ୍କ ପରିବାର ସମ୍ପର୍କରେ ସେ ଭଲ ମନ୍ଦ ବୁଝିଥିଲେ । ଆଜିଠାରୁ ତୁମେ ମୋର ବନ୍ଧୁ, ଯାହା ବି ଆବଶ୍ୟକ ପଡିବ ଜଣାଇବ ବୋଲି କହିଥିଲେ ।
ବିଜେପି ନେତା ପ୍ରବେଶ ଶୁକ୍ଲା ନିଶାସକ୍ତ ଅବସ୍ଥାରେ ଦଶମତଙ୍କ ଉପରେ ନିର୍ଲଜ ଭାବେ ପରିଶ୍ରା କରିଥିଲେ । ଏହି ଘଟଣା ପ୍ରସାରିତ ହେବା ପରେ ପ୍ରବେଶଙ୍କୁ ଗିରଫ କରାଯାଇଥିଲା । ଏହା ପରେ ତାଙ୍କ ଘର ଉପରେ ବୁଲଡୋଜର ଚଳା ଯାଇଥିଲଶ । ମୁଖ୍ୟମନ୍ତ୍ରୀ ଶିବରାଜ କହିଥିଲେ, ମୋ ପାଇଁ ଦରିଦ୍ର ଭଗବାନ ସଦୃଶ । ଜନତାଙ୍କ ବିନା ଆମର କିଛି ସ୍ଥିତି ନାହିଁ । ପ୍ରତ୍ୟେକ ମନ୍ୟୁଷ୍ୟ ଶରୀରେ ଭଗବାନ ଅଛନ୍ତି । ଭାଇ ଦଶମତଙ୍କ ସହ ଯାହା ଘଟିଲା ତାହା ଅତ୍ୟନ୍ତ ଯନ୍ତ୍ରଣାଦାୟକ । ମୁଁ ତାଙ୍କ ନିକଟରେ ସମ୍ପୂର୍ଣ୍ଣ ଘଟଣା ନେଇ କ୍ଷମା ପ୍ରାର୍ଥନା କରୁଛି । ଆଶା କରୁଛି ସେ ମୋତେ କ୍ଷମା କରିଦେବେ ।
Comments are closed.