ମୁମ୍ବାଇ: ଫ୍ୟାନ୍ସଙ୍କ ଅପେକ୍ଷାର ଘଟିଲା ଅନ୍ତ ସଲମାନଙ୍କ ଜନ୍ମଦିନରେ ରିଲିଜ ହେବ ‘ସିକନ୍ଦର’ ର ଟିଜର । ଏନେଇ ଆଜି ଫିଲ୍ମର ତାରିଖ ଘୋଷଣା କରିଛନ୍ତି ସାଜିଦ ନାଦିଆଦୱାଲା । ସଲମାନ ଖାନ ଷ୍ଟାରର୍ ଏହି ଅପକମିଙ୍ଗ୍ ମେଗା ପ୍ରୋଜେକ୍ଟ ଘୋଷଣା ହେବା ପରଠାରୁ ଚର୍ଚ୍ଚାରେ ରହିଛି ।
ସିକନ୍ଦରରେ ସଲମାନଙ୍କ ସହ ରଶ୍ମିକା ମନ୍ଦାନା ଲିଡ୍ ରୋଲରେ ଅଛନ୍ତି । ଫିଲ୍ମ ‘ସିକନ୍ଦର’ର ନିର୍ଦ୍ଦେଶନା ଦେଇଛନ୍ତି ଏ.ଆର୍. ମୁରୁଗାଡୋସ୍ ।
ତେବେ ଡିସେମ୍ବର ୨୭ ତାରିଖ ୨୦୨୪ରେ ସଲମାନଙ୍କ ଜନ୍ମଦିନ ଅବସରରେ ଏହି ବହୁ ପ୍ରତୀକ୍ଷିତ ଫିଲ୍ମର ଟିଜର ରିଲିଜ୍ ହେବ । ଏହା ସହିତ ଦର୍ଶକମାନଙ୍କୁ ‘ସିକନ୍ଦର’ ର ପ୍ରଥମ ଝଲକ୍ ମିଳିଯିବ । ସଲମାନଙ୍କ ୫୯ତମ ଜନ୍ମଦିନରେ ‘ସିକନ୍ଦର’ ରୂପେ ଅଭିନେତାଙ୍କ ଫାର୍ଷ୍ଟ ଲୁକ୍ ପୋଷ୍ଟର ମଧ୍ୟ ଲଞ୍ଚ ହେବ ।
ଏଣ୍ଟରଟେନମେଣ୍ଟର ପୁରା ପ୍ୟାକେଜ ଏହି ଫିଲ୍ମ ଆସନ୍ତା ବର୍ଷ ଇଦ୍ ଅବସରରେ ସମସ୍ତ ଫିଲ୍ମ ହଲ୍ ରେ ମୁକ୍ତିଲାଭ କରିବ ।