ଭୁବନେଶ୍ୱର : ଓଡ଼ିଶାର ଲୋକପ୍ରିୟ ‘ସଖୀନାଚ’କୁ ଆଧାର କରି ଆନ୍ତର୍ଜାତୀୟ ଖ୍ୟାତି ସମ୍ପନ୍ନ ଓଡ଼ିଶୀ ନୃତ୍ୟଶିଳ୍ପୀ ଶାଶ୍ୱତ ଯୋଶୀଙ୍କ ଏସଜେ ପ୍ରଡକସନ ହାଉସ ଓ ଲାସ୍ୟକଳା ପକ୍ଷରୁ ଓଡ଼ିଆ ଚଳଚ୍ଚିତ୍ର ‘ନାଚବାଲି’ ଆସନ୍ତା ୨୯ ନୃତ୍ୟ ଦିବସରେ ରିଲିଜ ହେବାକୁ ଯାଉଛି। ପରେ ଆସନ୍ତା ମେ ୧ ତାରିଖରେ ଆମେରିକାର କାମ୍ସ ଚାରିଟି ସହାୟତାରେ ଏହି ଚଳଚ୍ଚିତ୍ରର ୱାର୍ଲଡ଼ ପ୍ରିମିୟର ହେବ ଓ ଏହାକୁ ଏକାସାଥିରେ ୨୦ଟି ଦେଶର ଦର୍ଶକ ଦେଖିବେ ବୋଲି ଶାଶ୍ୱତ ସୂଚନା ଦେଇଛନ୍ତି।
ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ କିନ୍ନର ଆୟେଶା ବେହେରା ବିଭୁଦତ୍ତ ଦାସ ଓ ସୁଧାଂଶୁ ଶେଖର ଶତପଥୀ ଅଭିନୟ କରୁଥିବା ବେଳେ ଏହି ଚଳଚ୍ଚିତ୍ର ମାଧ୍ୟମରେ ଶାଶ୍ୱତ ଯୋଶୀ ପ୍ରଥମ ଥର ପାଇଁ ନିର୍ଦ୍ଦେଶନା କ୍ଷେତ୍ରରେ ପାଦ ଦେଇଛନ୍ତି ।ଗୋଟିଏ ବର୍ଷ ଧରି ସଖିନାଚ ଉପରେ ଗବେଷଣା କରିବା ପରେ ଏହି ଚଳଚ୍ଚିତ୍ର ନିର୍ମାଣ କଥା ଚିନ୍ତା କରିଥିଲେ ବୋଲି ଶାଶ୍ୱତ କହିଥିଲେ। ନିହାର ପ୍ରିୟାଶିଷ ଏହି ଚଳଚ୍ଚିତ୍ର ପାଇଁ ଗୀତ ଲେଖିଥିବା ବେଳେ ଓ ସୁମିତ ଦୀକ୍ଷିତ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ।
Comments are closed.