ରାଉରକେଲାର: ହଷ୍ଟେଲ ଛାତରୁ ପଡି ଜଣେ ଆଇଟିଆଇ ଛାତ୍ରଙ୍କ ମୃତ୍ୟୁ । ରାଉରକେଲାର ଜଗଦା ସ୍ଥିତ ଏକ ଘରୋଇ ଆଇଟିଆଇ ର ହଷ୍ଟେଲରେ ଘଟିଛି ଏହି ଦୁଃଖଦ ଘଟଣା । ମୃତ ଛାତ୍ର ଜଣକ ହେଲେ ଅତୁଲ୍ୟମ ଜୋଜୋ । ସେ ଆଇଟିଆଇର ପ୍ରଥମ ବର୍ଷର ଛାତ୍ର ଥିଲେ ।
ମୃତ ଛାତ୍ରଙ୍କ ଘର ହାତୀବାରି ବଂଶଯୋର ଗାଁରେ ବୋଲି ଜଣାପଡିଛି । ତେବେ ସେ କିପରି ଛାତ ଉପରୁ ଖସିପଡିଲେ ନା ସେ ଆତ୍ମାହତ୍ୟା କରିଛନ୍ତି କି କେହି ଏହା ହତ୍ୟା ଥିଲା ତାହା ସ୍ପଷ୍ଟ ହୋଇନାହିଁ ।
ଅତ୍ୟୁଲମ୍ଙ୍କ ରୁମ୍ମେଟ୍ମାନଙ୍କ ସୂଚନା ଅନୁଯାୟୀ, ସେ ଗତକାଲି ରାତିରେ କାହାକୁ କିଛି ନକହି ରୁମ୍ ବାହାରକୁ ଯାଇଥିଲେ । ଏହାପରେ ଖାଇବା ପାଇଁ ରୁମ ମେଟ୍ ମାନେ ତାଙ୍କୁ ଖୋଜିବାରୁ ପାଇନଥିଲେ । ରାତିରେ ସେ ରୁମ୍କୁ ମଧ୍ୟ ଆଉ ଫେରିନଥିଲେ । ଆଉ ଆଜି ସକାଳେ ସେମାନେ ଅତ୍ୟୁଲମଙ୍କ ମୃତଦେହ ଆଉ ଏକ ଛାତର ତଳେ ପଡିଥିବାର ଦେଖିଥିଲେ ।
ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ବ୍ୟବଚ୍ଛେଦ ପରେ ସମସ୍ତ ଘଟଣାର ସତ୍ୟାସତ୍ୟ ସାମ୍ନାକୁ ଆସିବ ।
Comments are closed.