ନୂଆଦିଲ୍ଲୀ: ଦିଲ୍ଲୀ ନିର୍ବାଚନର ଫଳାଫଳ ଘୋଷଣା ହେବା ପରେ ଆମ ଆଦମୀ ପାର୍ଟି (ଆପ୍) ସଂଯୋଜକ ଏବଂ ପୂର୍ବତନ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଚିଠି ଲେଖିଛି ଠକ ସୁକେଶ ଚନ୍ଦ୍ରଶେଖର।
ଯେଉଁଥିରେ ସେ କେଜ୍ରିୱାଲଙ୍କୁ ତାଚ୍ଛଲ୍ୟ କରିବା ସହ ଦିଲ୍ଲୀରେ ଆପର ପରାଜୟ ପାଇଁ ଅଭିନନ୍ଦନ ଜଣାଇଛନ୍ତି। ତୁମ ସହିତ ତୁମର ସମସ୍ତ ଅହଂକାର ମଧ୍ୟ ଶୌଚାଳୟରେ ଭାସିଗଲା। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ତୁମର ଦୁର୍ନୀତିଗ୍ରସ୍ତ ଦଳ ଆପ୍ କ୍ଷମତାରୁ ବାହାରି ଯାଇଛି।
କେଜ୍ରିୱାଲ ତାଙ୍କ ଆସନ ହରାଇବେ ଏବଂ ଦଳ କ୍ଷମତାରୁ ବାହାର ହୋଇଯିବ ବୋଲି ସେ ପୂର୍ବରୁ ଚେତାବନୀ ଦେଇଥିବା ନେଇ କହିଛି ସୁକେଶ। ଯଦି ତୁମେ ମୋର ପୂର୍ବ ଚିଠିଗୁଡ଼ିକୁ ରଖିଛ ତେବେ ଦୟାକରି ସେଗୁଡ଼ିକୁ ଦେଖ। ମୁଁ ଆପଣଙ୍କୁ ୩, ୬ ଏବଂ ୮ ମାସ ପୂର୍ବରୁ ଚ୍ୟାଲେଞ୍ଜ କରିଥିଲି ଯେ ଆପଣ ନିର୍ବାଚନରେ ହାରିଯିବେ। ଆଜି ମଧ୍ୟ ସମାନ ଘଟଣା ଘଟିଛି।
ଏହାବ୍ୟତୀତ ସେ କେଜ୍ରିୱାଲଙ୍କୁ ରାଜନୀତିରୁ ସନ୍ୟାସ ନେବାକୁ ପରାମର୍ଶ ଦେବା ସହ ପରବର୍ତ୍ତୀ ସମୟରେ ପଞ୍ଜାବରୁ ମଧ୍ୟ ଆପ୍ ଲୋପ ପାଇଯିବ ବୋଲି ଚିଠିରେ ଉଲ୍ଲେଖ କରିଛି।
ଉଲ୍ଲେଖଯୋଗ୍ୟ, ସୁକେଶ ଚନ୍ଦ୍ରଶେଖର ମନି ଲଣ୍ଡରିଂ ଏବଂ ଠକେଇ ଭଳି ଅନେକ ମାମଲାରେ ତିହାର ଜେଲରେ ବନ୍ଦୀ ଅଛନ୍ତି। ଏହା ପୂର୍ବରୁ ମଧ୍ୟ ସେ କେଜ୍ରିୱାଲ ଏବଂ ଆପ୍ ନେତାଙ୍କ ବିରୋଧରେ ଅନେକ ଚିଠି ଲେଖିଥିଲେ।
Comments are closed.