ନୂଆଦିଲ୍ଲୀ: ଆଇପିଏଲର ଆଗାମୀ ସଂସ୍କରଣ ପୂର୍ବରୁ ମେଗା ନିଲାମ ଆୟୋଜିତ ହେବ । ଏହା ପୂର୍ବରୁ ସମସ୍ତ ଫ୍ରାଂଚାଇଜ ରିଟେନ କରିଥିବା ଖେଳାଳିଙ୍କ ନାମ ଘୋଷଣା କରି ସାରିଛନ୍ତି । ଦିଲ୍ଲୀ କ୍ୟାପିଟାଲ୍ସ ରିଷଭ ପନ୍ତଙ୍କୁ ରିଲିଜ କରିବା ସମସ୍ତଙ୍କୁ ଚକିତ କରିଥିଲା । ପୂର୍ବ କ୍ରିକେଟର ସୁରେଶ ରାଇନା କହିଛନ୍ତି ପନ୍ତ ଚେନ୍ନାଇ ଟିମ ସହିତ ଯୋଡି ହୋଇ ପାରନ୍ତି । ମହେନ୍ଦ୍ର ସିଂ ଧୋନୀଙ୍କ ସହ ପନ୍ତ ନିକଟରେ ସାକ୍ଷାତ କରିଥିଲେ । ତାଙ୍କ ଆଶ୍ୱସନାରେ ପନ୍ତ ତାଙ୍କୁ ରିଲିଜ କରିବା ପାଇଁ ଦିଲ୍ଲୀ କ୍ୟାପିଟାଲ୍ସକୁ ଅନୁରୋଧ କରିଥିବା ଅନୁମାନ କରାଯାଉଛି ।
ରାଇନା କହିଛନ୍ତି ଖୁବ ଶୀଘ୍ର ଏହି ଷ୍ଟାର ୱିକେଟକିପର ହଳଦିଆ ଜର୍ସିରେ ଦେଖା ଦେଇ ପାରନ୍ତି । ପନ୍ତ ଦିଲ୍ଲୀ ପକ୍ଷରୁ ୧୧୧ ମ୍ୟାଚ ଖେଳି ୩୫.୩୧ ଆଭରେଜରେ ୩୨୮୪ ରନ ସଂଗ୍ରହ କରିଛନ୍ତି । ତାଙ୍କ ଷ୍ଟ୍ରାଇକ ରେଟ ୧୪୮.୯୩ ରହିଛି । ପନ୍ତ ଗୋଟିଏ ଶତକ ଓ ୧୮ ଅର୍ଦ୍ଧଶତକ ମାରିଛନ୍ତି । ଦିଲ୍ଲୀ କ୍ୟାପିଟାଲ୍ସ ଅକ୍ଷର ପଟେଲଙ୍କୁ ୧୬.୫,କୂଲଦୀପ ଯାଦବଙ୍କୁ ୧୩.୨୫, ଟ୍ରିଷ୍ଟନ ଷ୍ଟବ୍ସଙ୍କୁ ୧୦ ଏବଂ ଅଭିଷେକ ପୋରେଲଙ୍କୁ ୪ କୋଟିରେ ରିଟେନ କରିଛି ।
Comments are closed.