ମୁମ୍ବାଇ: ତାମିଲ ସୁପରଷ୍ଟାର ସୂରିୟା ଏବଂ ବଲିଉଡ ଅଭିନେତା ବବି ଦେଓଲଙ୍କ ଫିଲ୍ମ ‘କଙ୍ଗୁୱା’ ନଭେମ୍ବର ୨୦୨୪ରେ ରିଲିଜ୍ ହୋଇଥିଲା । ଯାହା ସେହି ବର୍ଷର ସବୁଠାରୁ ସୁପର ଡୁପର ଫ୍ଲପ୍ ଫିଲ୍ମ ଥିଲା । ସେହି ବର୍ଷ ଏହି ବଡ ବଜେଟ୍ ଚଳଚ୍ଚିତ୍ର ‘କଙ୍ଗୁୱା’ ମଧ୍ୟ ଏହାର ମୂଲ୍ୟ ପୁନରୁଦ୍ଧାର କରିବାରେ ବିଫଳ ହୋଇଥିଲା । ହେଲେ ଏହା ୨୦୨୫ ଓସ୍କାର ରେସ୍ ରେ ସାମିଲ ହୋଇଛି ।
ଓସ୍କାର ୨୦୨୫ରେ ‘କଙ୍ଗୁୱା’ ପ୍ରତିଯୋଗୀ ତାଲିକାରେ ସ୍ଥାନ ପାଇଛି, ଯାହା ୩୨୩ଟି ବିଶ୍ୱ ଚଳଚ୍ଚିତ୍ର ସହ ପ୍ରତିଦ୍ୱନ୍ଦ୍ୱିତା କରିବ । ଯାହା ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି । ଅନେକ ଲୋକ ଏହି ଫଲ୍ପ ଫିଲ୍ମକୁ ଓସ୍କାର ଯିବାକୁ ନେଇ ଆଶ୍ଚର୍ଯ୍ୟ ଚକିତ ମଧ୍ୟ ହୋଇଛନ୍ତି । ତ ଆଉ କେହି ବହୁତ୍ ଖୁସି ପ୍ରକଟ କରିଛନ୍ତି ।
ଫିଲ୍ମ ଇଣ୍ଡଷ୍ଟ୍ରି ଟ୍ରାକର ମନୋବାଲା ବିଜୟବାଲନ ସୋସିଆଲ ମିଡିଆରେ ଏହି ଖବର ପୋଷ୍ଟ କରି ଲେଖିଛନ୍ତି ଯେ ବ୍ରେକିଂ: ‘କଙ୍ଗୁୱା’ ଓସ୍କାର ୨୦୨୫ରେ ପ୍ରବେଶ କରିଛି । ପ୍ରତିଯୋଗୀଙ୍କ ତାଲିକା ଏବଂ ସୂରିୟାଙ୍କ କଙ୍ଗୁଭା ପୋଷ୍ଟର ମଧ୍ୟ ତାଙ୍କ ପୋଷ୍ଟରେ ଦର୍ଶାଯାଇଛି ।
BREAKING: Kanguva ENTERS oscars 2025🏆 pic.twitter.com/VoclfVtLBL
— Manobala Vijayabalan (@ManobalaV) January 7, 2025
ସୂଚନାଯୋଗ୍ୟ, ଭାରତୀୟ ବକ୍ସ ଅଫିସରେ ଫିଲ୍ମଟି କେବଳ ୯୬ କୋଟି ଟଙ୍କା ରୋଜଗାର କରିପାରିଥିଲା । ଏହାର ନିର୍ମାତାମାନେ ଦାବି କରିଥିଲେ ଯେ କଙ୍ଗୁଭା ଫିଲ୍ମ ୨୦୦୦ କୋଟି ଟଙ୍କା ରୋଜଗାର କରିବ ।