ଶିକ୍ଷକଙ୍କ ଅଜବ ସଉକ: ପୁରା ଶରୀରରେ ଟାଟୁ ପାଇଁ ଖର୍ଚ୍ଚ କଲେ ୫୮ ଲକ୍ଷ ଟଙ୍କା

ପ୍ୟାରିସ୍‌: ଟାଟୁ ହେଉଛି ଏପରି ଏକ କଳା, ଯାହାକୁ ଲୋକମାନେ ନିଜ ଶରୀରରେ ପ୍ରୟୋଗ କରନ୍ତି । ପୂର୍ବ କାଳରେ, ଲୋକମାନେ ଏକ ନିର୍ଦ୍ଦିଷ୍ଟ ଡିଜାଇନ୍ , କାହାର ନାମ କିମ୍ବା କୌଣସି ଚିହ୍ନକୁ ଟାଟୁ କରିବା ପାଇଁ ଆଗ୍ରହୀ ହେଉଥିଲେ । କିନ୍ତୁ ବର୍ତ୍ତମାନ ଅନେକ ଲୋକ ଏହି ଟାଟୁ କରିବାକୁ ପାଗଳ ହୋଇଯାଉଛନ୍ତି । ଫ୍ରାନ୍ସର ଜଣେ ଯୁବକ ତାଙ୍କ ପୁରା ଶରୀରକୁ ଟାଟୁରେ ଉତ୍ତାରିଛନ୍ତି, ଯେଉଁଥି ପାଇଁ ସେ ଏବେ ଚର୍ଚ୍ଚାରେ ।
ଫ୍ରାନ୍ସର ପ୍ୟାରିସରେ ରୁହନ୍ତି ୩୭ ବର୍ଷୀୟ ସିଲଭେନ ହେଲେନ । ବୃତ୍ତିରେ ସେ ଜଣେ ଶିକ୍ଷକ । ତାଙ୍କର ହବି ଟାଟୁ କରିବା । ଏହି ସଉକ୍ ପୂରଣ କରିବାକୁ ଯାଇ ସିଲଭେନ୍ ନିଜ ଶରୀରରେ ଏମିତି ଟାଟୁ କରିଛନ୍ତି ଯେ, କେଉଁଠି ବି ଟିକେ ଜାଗା ଛାଡ଼ି ନାହାନ୍ତି । ଏଥିଲାଗି ତାଙ୍କୁ ୫୮ ଲକ୍ଷ ଟଙ୍କା ଖର୍ଚ୍ଚ କରିବାକୁ ପଡ଼ିଛିି ।
ସେଲଭାନ୍ କେବଳ ଜଣେ ଶିକ୍ଷକ ତାହା ନୁହେଁ, ସେ ଏକାଧାରରେ ମଡେଲ୍‌, ଅଭିନେତା ମଧ୍ୟ । ତାଙ୍କୁ ଦୁନିଆର ସବୁଠାରୁ ଟାଟୁ ଧାରଣ କରିଥିବା ଶିକ୍ଷକ ବୋଲି ଲୋକେ କୁହନ୍ତି । ଏନେଇ ସେଲ୍‌ଭାନ କୁହନ୍ତି, ନିଜ ଦେହରେ ଟାଟୁ କରିବାକୁ ସେ ଖୁବ୍ ପସନ୍ଦ କରନ୍ତି । ସେଥିଲାଗି ୧୦ ବର୍ଷ ପୂର୍ବେ ସେ ତାଙ୍କ ଜୀବନର ପ୍ରଥମ ଟାଟୁ କରିଥିଲେ । ଏହା ପରେ ଧୀରେ ଧୀରେ ପୁରା ଶରୀର ଟାଟୁ କରିବାକୁ ଲାଗିଲେ । ସେ ନିଜ ଶରୀରକୁ ଏପରି ଟାଟୁରେ ସଜେଇଥିବାରୁ ବହୁତ ଖୁସି । ସେ ଯୁଆଡ଼େ ଯାଆନ୍ତି ଲୋକେ ତାଙ୍କୁ ଦେଖିବାକୁ ଭିଡ଼ ଜମାନ୍ତି ।